Dbusek bat egiten du Gaixotasun Arraroen Munduko Egunarekin
Dbusek bat egiten du otsailaren 28an ospatuko den Gaixotasun Arraroen Munduko Egunarekin. Egunaren eslogan ondorengoa izango da: “Kolore baten azpian elkartuta dena alda dezakeen keinu bat. Margo ezazu lerro berde bat eta igo zure argazkia hashtag-arekin #HAZLASVISIBLES”.
Horregatik, bihar, larunbata, Donostiako hiriko autobus guztiek informazio kartel bat eramango dute egun osoan, gaixotasun arraroak dituzten pertsonek egunero bizi dituzten errealitateak ahalik eta gehien zabaltzeko eta erakusteko, eta kontzientzia soziala areagotzeko egingo diren jarduerak bultzatzeko.