Dbusek bat egiten du urriaren 19an ospatuko den Bularreko Minbiziaren Aurkako Nazioarteko Egunarekin.
Horregatik, bihar, osteguna, Donostiako hiri autobus guztiek lazo arrosa bat eramango dute, gaixotasun hau pairatzen dutenei babesa eta elkartasuna erakusteko eta kontzientzia sozial handiagoa lortzeko egingo diren jardueretan laguntzeko.
Dbusek eta San Martin azokak “Dbus eta Gabonak” 2017 marrazki lehiaketa antolatu dute neska-mutikoentzat.
Neska-mutikoen sormena sustatzeaz gain, lehiaketaren asmoa da Donostian garraio publikoa erabiltzeak duen garrantziaz ohartaraztea, Donostiako hiri guneen eta donostiarren bizi kalitatearen iraunkortasuna bermatzeko balio baitu. Gabonetan, zehazki, garraio publikoaren erabilera funtsezkoa da mugikortasuna efizientea izatea bermatzeko.
LEHIAKETAREN OINARRIAK
13 urtetik beherako neska-mutiko guztiek parte hartu dezakete lehiaketan. Nahi duten marrazkia egin beharko dute, baina beharrezkoa izango da marrazkiak Gabonei buruzko ideiaren bat edukitzea eta autobusarekin erlazionatuta egotea.
Marrazkiak Fnac-eko mostradorean entregatuko dira (San Martin azoka) edo Dbuseko bulegoetan (Fernando Sasiain, 7), eta atzealdean parte hartzailearen datuak jarriko dira:
Ezinbestekoa da datu pertsonal guztiak adieraztea. Bestela, marrazkia lehiaketatik baztertuta geratuko da. Derrigorrezkoa izango da, halaber, formularioa betetzea parte hartzailearen legezko tutoreen baimenarekin. Formularioa gure webgunean dago eskuragarri (Deskargatu).
Bi kategoria egongo dira:
Marrazkiak jasotzeko azken eguna 2017ko azaroaren 17a izango da.
SARIAK
Epaimahaiak, Dbusek izendatuko baita, kategoria bakoitzeko marrazki irabazleak hautatuko ditu.
Dbusek marrazkiak zabaltzeko, jendearen aurrean erakusteko eta erreproduzitzeko eskubidea dauka, baina marrazkien jabeek, beren lanen jabeak direla aitortzen baitzaie, ez dute horregatik dirurik eskuratzeko eskubiderik edukiko. Dbusen marketin kanpainetarako erabili ahal izango dira marrazkiak.
Lehiaketarako izena ematean parte hartzaileek ematen dituzten datuak Dbusen jabegokoa den fitxategi batean sartuko dira beraien tratamendurako, eta lehiaketan parte hartzea kudeatzeko erabiliko dira. Dbusen Pribatutasun Politikari buruz edota interesdunak honi lotuta dituen eskubideen erabileraz gehiago jakiteko, begiratu www.dbus.eus web orrian.”
Finalera heltzen diren marrazkiak Dvbusen erakutsiko dira abenduan zehar eta Dbusen eta San Martin azokaren webguneetan argitaratuko dira. Marrazkiak, halaber, erakusketa egiteko prestatutako leku publikoetan jarri ahal izango dira ikusgai. Erakusketa amaitu ondoren, marrazkiak gorde egingo dira zaintzapean, hilabete bateko epean.
Sariak banatzeko ekitaldia abenduaren 16an izango da, larunbatean, 12:00etan, San Martin azokan, Fnac-en Forumean.
In Der City Bus Frankfurten egoitza duen autobuseko garraio operadore alemaniarraren ordezkaritza bat egon da Dbus bisitatzen, Kotxetegietako instalazioak ezagutzeko eta Konpainiak dituen autobus elektrikoen funtzionamendua zehaztasunez ikusteko.
Ordezkaritzako kideek aukera izan dute Dbusek dituen 3 autobus %100 elektrikoak ezagutzeko, zeinak Irizarrek fabrikatutakoak baitira. Ibilgailu horiekin zaratarik eta igorpen kutsatzailerik gabeko garraio publikoa eskaini daiteke. Teknikariek, halaber, ibilgailu horien zaintzarako eta kargarako sistema ikusi ahal izan dute, autobus hibridoen funtzionamendua egiaztatzeaz gain. Une honetan Dbusek 20 autobus hibrido dauzka, beraz, 12 metroko autobusen %25 ibilgailu elektriko-hibridoak dira. Ibilgailu horiek garbiak dira eta ingurumenarekiko errespetutsuak, eta erabiltzaileek oso ondo baloratzen dituzte.
Alemaniako ordezkaritza, halaber, Dbusen ezarritako beste sistema batzuez interesatuta agertu da, zehazki puntualtasuna eta abiadura komertziala handia edukitzea eta Donostiako hiritar askok Dbuseko autobusak erabiltzea ahalbidetzen duten sistemez. Ildo horretan, teknikari alemaniarrak harrituta geratu dira ikustean Dbuseko autobusak asko erabiltzen direla eta erabiltzaileak geltokietako panel elektrikoen bidez, mugikorrerako app-aren bidez eta web orriaren bidez informatzeko ditugun sistemen kalitatea.
Dbusek bere autobusetako irudi korporatiboa eguneratuko du, Donostiako Udalaren irudi berria gehituz. Eguneraketa hau 2017ko uztailaren 21ean onartu zuen Dbuseko Administrazio Kontseiluak, erabiltzaileekiko komunikazioa hobetzeko eta Dbuseko zerbitzua Udalaren garraio zerbitzua dela identifikatzeko.
2004an Dbusek bere irudi korporatiboa modernizatu zuen, logotipotzat Euskal Herriko hegoaldeko zuhaitz igela hartuta eta izen komertzialtzat Dbus izena. Era berean, diseinuan urdina eta berde koloreak sartu ziren. Urdina Donostiari lotutako kolorea da eta berde koloreak, berriz, Dbusek ingurumena hobetzen egiten duen ahalegina agerian jarri nahi du. Azken hamarkadan Dbuseko irudi korporatiboa sendotzen joan da eta oso marka ezaguna bihurtu da, bai maila lokalean bai kanpoan, Europako proiektu askotan parte hartzeagatik eta Estatuko eta nazioarteko erakunde askorekin elkarlanean aritzeagatik.
2017ko maiatzean, Donostiako Udalaren Tokiko Gobernu Batzordeak Udalaren irudi korporatibo berria onartu zuen. Diseinuaren abiapuntua da Udalak azken hiru hamarkadetan erabilitako logotipoa, eta logotipo hori, aldi berean, hiriaren armarri ofizialean oinarrituta dago. Udalaren irudia berritzeko planteamendua udalaren menpeko departamentu eta erakunde guztien irudia bateratzeko eta integratzeko prozesuaren baitan egin da, udal administrazioak eskaintzen dituen zerbitzu guztiak biltzeko proiektu gisa.
Irudi biak batuz, hau da Dbusen irudia eta Udalaren irudi berria batuz ateratzen den diseinu berria, hasteko, autobusen aurrealdean eta albo luzean aplikatuko da eta, ondoren, autobusen atzealdean ere sartuz joango da. Era berean, gaurtik aurrera erosten diren autobus berriei diseinu berria jarriko zaie.
ATUC Hiriko Garraio Kolektiboen Enpresa Kudeatzaileen Elkartearen Teknologia Berrietako, Marketineko eta Kalitateko Batzordeak bilera egin du Madrilen, eta Dbusek Donostiako autobusetan kontakturik gabeko EMV banku txartelarekin ordaintzeko proiektu pilotuaren lehen emaitzak aurkeztu ditu bertan. Batzordean 50 pertsona inguruk parte hartu dute, eta horien artean ziren Madril, Malaga, Valentzia, Sevilla, Tenerife, Las Palmas, Alacant, Tarragona edo Reus hirietako garraio operadoreen ordezkariak.
Dbusek pasa den abuztuaren 11n jarri zuen abian proiektu pilotu hau, hiriko autobus sareko 16 eta 45 lineetan. Dbusek GEKOIN INGENIEROSekin eta Banco Santanderrekin batera garatutako proiektu pilotu bat da, zeinak eguneko noizbehinkako bidai txartela kontakturik gabeko Visa, Mastercard eta American Express kreditu txartelekin eta zordunketa txartelekin (EMV) eta mugikorretako aplikazio batzuekin ordaintzen uzten baitu. Dbuseko sei autobusetan dago instalatuta sistema berritzailea, eta autobus horiek errotulazio berezia dute erabiltzaileek identifikatu ahal izateko.
Bankuen eta garraioaren sektoreetako enpresek eskatuta, Dbuseko zuzendari ondoko Javier Vallejok proiektuaren funtzionamenduaren lehen emaitzen berri eman du. Lehen hilabete eta erdi honetan 2.000 balidazio baino gehiago egin dira. Nahiz eta erabiltzaile potentzialak noizbehinkako erabiltzaileak edo bisitariak izan, etorkizun handiko sistema da, kalkulatzen baita EMV kontakturik gabeko kreditu eta zordunketa txartelen parkea %90ekoa dela.
Mota horretako txartelekin ordaintzeko sistemaren abantaila nagusietako bat da autobusetan sartzeko ordainketa arinago egiten dela, geldialdi bakoitzean denbora gutxiago eginda eta bidaien denborak murriztea ahalbidetuta. Egunero eskudirutan bilduko den dirua gutxiago izatea ere ekarriko du, likidazio lanak erraztuta. Aurreikusita dago proiektu pilotuak urte bat iraungo duela, eta emaitzen arabera Dbuseko gainerako lineetara zabalduko dela.
Donostiako Udalak Herritarren Pertzepzioen gaineko Inkestaren emaitzaren berri eman du. Inkesta hiriaren 2020ko Plan Estrategikoaren jarraipenerako lanetako bat izan da. Inkestaren ondorioa izan da Donostiako herritarrak oso pozik daudela hiriko bizimoduarekin; izan ere, 8,75 puntu eman diote bertako bizimoduari, 10 puntutik. Garraio publikoa izan da donostiarrek hoberen baloratutako alderdietako bat, 7,7ko puntuazioa eman baitiote. Herritarren ustez, zerbitzurik hoberena da hiriko azpiegituren eta ekipamenduen atalean.
Hiriak eta hiriaren perspektibek eta erronkek biztanleengan zer sentimendu sortarazten duten aztertzeko balio du inkestak. Halaber, aurretik egin diren inkestekin alderatuta, herritarren balorazioan egon den aldaketa ikusteko ere balio du (2005 eta 2008).
Inkestaren emaitzek erakusten dutenez, garraio publikoa (7,7) beste zerbitzu batzuen aurretik kokatzen da, horien artean egonik osasun laguntza eta ospitalekoa (7,53), parkeak eta lorategiak eta horrelako berdeguneak (7,04) edo kultura-guneak (6,97). Halaber, garraio publikoarekin gogobeteta dauden lagunen portzentajea %90,8 da, osasun laguntza eta ospitalekoa %91, parkeak eta lorategiak eta horrelako berdeguneak %86,6 eta kultura-guneak %81,6.
Inkesta Datakey Institutuak gin du 2017ko ekainaren 13tik 30era bitartean, 16 eta 74 urte bitarteko pertsonei telefonoz egindako elkarrizketen bitartez. Laginak ± %4ko gehieneko errore estatistikoa dauka, eta konfiantza maila %95ekoa da.
Laginaren banaketa donostiar populazio osoarekiko proportzionala izan da, auzoen, sexuen eta adinen arabera. Sei gune geografikotan banatu da. Amara (Berri eta Zaharra), Mendebaldea (Añorga, Errotaburu, Zubieta, Ibaeta, Berio, Ondarreta, Lorea, Bentaberri, Antiguo, Igeldo eta Aiete), Erdialdea (Mirakontxa, Erdialdea, Alde Zaharra), Ekialdea (Gros, Egia, Intxaurrondo, Ulia) Altza-Bidebieta eta Loiola-Zorroaga-Martutene.
Inkesta osorik: www.donostia.eus
“Pertsonak eramaten dituzten pertsonak” izeneko kanpainan gidarien eta erabiltzaileen 80 bat Dbus istorio bildu ditu Dbusek. Kanpaina ekainaren erdialdean jarri zen martxan, enpresako enplegatuen lana balioesteko eta donostiarrei gidarien irudi gizatiarragoa helarazteko.
Kanpainan Dbuseko gidari askoren istorioak bildu ziren eta hainbat euskarritan jarri ziren ikusgai, hala nola markesinetan. Era berean, web berezi bat sortu zen (www.dbusistorioak.eus), eta erabiltzaileek beren bizipen propioak argitaratu dituzte webgune horretan.
Asmoa zen Dbuseko langileek eta erabiltzaileek kontatutako istorioak biltzea eta istorio horiekin osatzea Donostian autobusean bidaiatzen duten pertsona horien guztien historia, izan ere, pertsona horiek ahalbidetu dute 130 urte igaro ondoren Dbusek gure hiriko erreferente izaten jarraitzea.
Aukeratutako istorioak
Erabiltzaileek proposatutako istorio guztien artetik 5 aukeratu dira, eta Diego Besne ilustratzaile donostiarrak irudia jarri die 5 istorio horiei. Dbuseko geltokietako markesinetan daude jada ikusgai istorio horiek, beren irudiekin batera. Era berean, irailaren 20, 21 eta 22an ”perching” bat egingo da istorio horiekin, Donostiako autobusetan. Istorio irudidunak autobusen barruan jarriko dira, barruko barretatik zintzilik, eta horrela erabiltzaileek Dbus istorio gehiago ezagutu ahal izango dituzte.
Bost istorio irabazleek, halaber, Dbusen hiru hilabetean doan bidaiatzeko baimen bana eskuratuko dute, bai eta bere istorio irudiduna marko batean jarrita ere.
Hauek dira aukeratutako 5 istorioak:
Poltsak konfundituta (Ainara, 41 urte, kultur ekintzailea)
Beti 4ko eserlekuetan esertzen naiz, gidariaren aldera begira; mania hori daukat. Eserleku horiek gustuko ditut, trasteak uzteko lekua dagoelako eta jendearekin interakzioan egon zaitezkeelako. Euria zen eta eserita geuden guztiok aterkinak eta poltsak lurrean utzita genituen. 
Autobusetik irtetean, nire aurrean eserita zihoan neskak nire erosketa poltsa hartu zuen eta nik harena, biok konfundituta. Erosketak denda berean egin genituen, hori kasualidadea. Ez genekien nola aurkitu elkar, eta biek ideia bera eduki genuen: hurrengo astean biak autobusean gora eta behera ibili ginen, poltsarekin, berriro topo egin arte.
Jakin nuen berak ere gustuko zuela eserleku horietan bidaiatzea, baina autobusaren atzealdera begira eserita. Bakoitza bere maniekin, baina denak ez gara hain desberdin!
Piper egiteak merezi izan zuen (Ane, 20 urte, ikaslea)
Astearte euritsua zen eta 8etan klasea nuen. Presa nue
n, baina denbora nahikoa 17a hartuz gero. Bost minutu falta ziren autobusa etortzeko. Autobusa zetorren eta ahots lodi batek nora nihoan galdetu zidan. Goizeko zortziak hamar gutxiago ziren, eta hotz erantzun nion.
– Klasera.
– Zurekin joan naiteke? Ez daukat presarik, euria da eta interesgarria iruditzen zait zure aurikularretatik ateratzen den reggaea.
– Bai horixe.
Mikel deitzen zela esan zidan. Hiru geltoki igaro ziren berak hitzik esan gabe eta, jakina, nik ere ezer esan gabe. Nire geltokira hurbiltzen ari ginen; jada ez zitzaidan hainbeste inporta unibertsitatera joatea. “Pentsatu azkar, pentsatu” Eta pentsatu egin nuen. Paper bat atera nuen eta hau idatzi nuen: “asteartea eta osteguna: ordu berean eta autobus berean”. Osteguna heldu zen, presa txikiagoa, reggae gehiago eta eguzki galda.
– Hartuko dugu 33a Miramarreraino?
– Musika saioa kontxa parean goizeko 8;30ean? Erosi egiten dut.
Eta gaur arte!.
Irakurtzeko uneak (Iker Izal)
Maitasun handiz gogoratzen ditut Bentaberrin EHUn ikasten ari nintzeneko urteak, egunero autobusa hartzen bainuen hara iristeko.
Grosen bizi nintzen eta etxetik unibertsitatera 15 bat minutu nituen autobusean. Eguneko unerik gogokoenetako bat zen. Egunean zehar, minutu horiek baino ez nituen plazerez irakurtzeko, errealitatetik ihes egiteko eta gozatzeko unea zen niretzat.
15 minutu joateko eta beste 15 bueltatzeko. Gehien irakurri dudan eta irakurketaz gehien gozatu dudan garaia nire bizitzan.
Paseoak Kontxatik (Leticia, 65 urte, erretiratua)
Ia asteburu guztietan bisitatzen dut Antiguan dudan familia. Hau da nire ohiko errutina: esnatu, kafea hartu, jantzi, egunkaria erosi estankuan, eta autobus geltokira hurbildu.
Antiguarako bidean, autobusean egunkaria irakurtzen joatea da nire unerik gogokoenetako bat. Sekulako plazera da niretzat Kontxa gurutzatzea autobusean, irakurtzen, eguraldi ona izan zein ez. Eta zer diozu udako hondartza egunez?
Bidaiaz gozatu eta gainera eguna hondartzan igaro, zer gehiago eskatu daiteke?
Nola aldatu garen (Jose Angel, 49 urte, arreta zuzena dibertsitate funtzional intelektuala duten pertsonei)
130 urte. Laster 50 urte beteko ditudala-eta atzera begira jartzen naiz, eta gogorapen eta sentimenduak etortzen zaizkit gure garraio publiko maitatuaren inguruan; ez dakit oroipenak edo irudipenak diren, baina, edozer gauza izanda ere, halako nostalgia bat baino ezin dut sentitu igarotako denboragatik, batek baino gehiagok esango lukeen moduan.
Autobusetan hazi gara; hasieran, korrika kobratzailearen lekuan esertzeko, printze bat zaldi gainean bezala; gero, OHO egin genuen, egunero atzeko aldean bidaiatuta, atzeko barra hari helduta, bizitzari begira kristaletatik, edo atzeko atearen zuloan eserita; zenbat maite genuen leku hura! Eta orain, egungo autobusak ikusten ditudanean, zera pentsatzen dut: zenbat aldatu garen! Eta zein bidaia ederra bizitzarena!
Gipuzkoako lurraldeak eta Gipuzkoako enpresek mugikortasun iraunkorragoa garatzeko duten estrategiaren berri emateko jardunaldi bat egin da, Gipuzkoako Foru Aldundiak antolatuta, eta Dbusek bertan hartu du parte.
Jardunaldian, mahai inguru bat egin da elektromugikortasunaren inguruan diharduten enpresa teknologikoen ordezkariekin batera. Enpresa horietako bat izan da Irizar e-mobility, Irizar Taldearen eta Ibilen elektromugikortasuneko enpresa, zeina ibilgailu elektrikoak kargatzeko zerbitzuetan espezializatuta baitago. Mahai inguruan, Igor Gonzalezek, Dbuseko zuzendari gerenteak, mugikortasun elektrikoei lotutako proiektuen gainean eta Gipuzkoak nazioartean eremu horretako erreferente bihurtzeko duen gaitasunaren gainean eztabaidatu du.
Linea honetan, Europan abian jarritako 12 metroko lehen autobus %100 elektriko sartu zuen Dbusek 2014an. Autobusa Irizarrek fabrikatu zuen. Era berean, pasa den urtean bi autobus elektriko gehiago erosi zituen. Autobus horiek ere Irizarrek fabrikatu zituen, elektromugikortasuna eta efizientzia energetikoa sustatzen dituen REPLICATE proiektu europarraren baitan.
Une honetan, Dbus proiektu pilotu bat lantzen ari da 18 metroko autobus elektriko artikulatua probatzeko, Donostian. Irizarrek ezaugarri horiekin fabrikatuko lukeen lehen ibilgailua litzateke eta Dbus horrelako ibilgailu baten lehen erakuslea. Ibilgailuak 28-Amara-Ospitaleak linean emango luke zerbitzua, Dbuseko linearik erabiliena eta Euskadin urtean bidaiari kopururik handiena erregistratzen duen linea baita. Kotxetegietan gauez kargatzeaz gain, autobu honek aukerako karga egingo luke Miramongo bukaerako geltokian.
Dbusek, 3 autobus %100 elektrikoez gain, 20 autobus hibrido dauzka. Beraz, 12 metroko autobusen %25 ibilgailu elektriko-hibridoak dira. Ingurumena gehien errespetatzen duen flota da Euskal Herrian eta elelektromugikortasunaren erreferentea Estatu mailan.
Irailean Dbusek Urgull Mendira 39-URGULL linearekin ematen duen mikrobus zerbitzua larunbatetan eta igandetan izango da. Zerbitzuak 30 minuturo izango dira goizeko 11:00etatik 13:30era, eta arratsaldeko 17:00etatik eta 20:00etara.
-Urgulleruntz irteerak SALAMANCA PASEALEKUTIK izango dira, ondorengo orduetan:
11:00 – 11:30 – 12:00 – 12:30 – 13:00 – 13:30
17:00 -17:30 – 18:00 – 18:30 – 19:00 – 19:30 – 20:00
-Urgulletik irteerak SANTIAGOKO BATERIATIK izango dira ondorengo orduetan:
11:15 – 11:45 – 12:15 – 12:45 -13:15 -13:45
17:15 – 17:45 – 18:15 – 18:45 – 19:15 – 19:45 – 20:15
Urgullerako zerbitzuaz gain, mikrobus honek Bretxa eta Pasealeku Berriko aparkalekuen arteko garraio publikoko konexioa dakar.
* Lineak ez du zerbitzurik izango:
– Irailaren 3an, igandea, goizean, Estropadak direla eta.
– Irailaren 9an, larunbata, 11:30etik 12:30era Urgulleko Krossa dela eta.
– Irailaren 10ean, igandea, egun osoan zehar, Estropadak direla eta.
2017ko Aste Nagusian autobusaren erabilera masiboa izan da hirian. Momentuz astea guztian zehar, abuztuaren 12tik, larunbata, abuztuaren 19ra, larunbata, 746.484 bidaiari izan ditu Dbus-ek. Horrek esan nahi du 2016an erregistratutako 771.633 bidaiarekin alderatuta %1,47-ko jeitsiera igoera gertatu dela. Halaber, bidaiari kopurua gaueko zerbitzuetan nabarmen igo da, %10 zehazki.
Zifra hauekin, oraindik probisionalak, Dbus-eko autobusak berriro ere garraiobide publiko erabilienak izan dira Donostiako jaietan.
2017ko Aste Nagusian erabilera gehieneko egunak hauek izan dira: abuztuaren 17a, osteguna, 104.780 bidaiarirekin, eta abuztuaren 14a, astelehena, 116.850 bidaiarirekin. Honek Dbusen historia guztiko errekorra hautsi du Aste Nagusiko bidaiariei dagokionez, eta gainera, Dbusen historiako zazpigarren erabilera altuena da.
Bidaiarien eguneroko banaketa ondorengoa da:
– Abuztuaren 12a, larunbata: 96.410 bidaiari
– Abuztuaren 13a, igandea: 79.534 bidaiari
– Abuztuaren 14a, astelehena: 116.850 bidaiari
– Abuztuaren 15a, asteartea: 72.246 bidaiari
– Abuztuaren 16a, asteazkena: 96.229 bidaiari
– Abuztuaren 17a, osteguna: 104.780 bidaiari
– Abuztuaren 18a, ostirala: 91.280 bidaiari
– Abuztuaren 19a, larunbata: 89.155 bidaiari
Nabarmentzekoa da gainera su artifizialen ondorengo luzapen zerbitzuetako bidaiari kopurua, 120.000 erabiltzaile baino gehiago erregistratu baitira, aurreko urtean baino %10 gehiago. Beste aldetik, Gautxori zerbitzuetan, gaueko ordubatetik aurrera, 43.289 bidaia egon dira, aurreko urteko Aste Nagusian baino %8 gehiago.
Aste Nagusian zehar gehien erabili diren lineak hauek dira: Amara (21, 26 eta 28) 158.917 bidaiarekin, Benta Berri eta Añorga (5, 25 eta 40 lineak) 119.115 bidaiarekin, Altza (13 linea) 94.447 bidaiarekin, Egia-Intxaurrondo (8, 9, 29 eta 42) 83.374 bidaiarekin, Aiete (18, 19, 23 eta 32 lineak) 47.224 bidaiarekin, eta Bidebieta (14 linea) 32.996 bidaiarekin. Gainera mikrobus lineetan 23.385 bidaia erregistratu dira.
Zifra hauek Dbus-en zerbitzuen indartzeari esker lortu dira, izan ere 22.530 zerbitzu baino gehiago eskaini baitira egun hauetarako. Zerbitzu hauek 266 gidariren eskutik eman dira, beste 40 pertsonaren laguntzarekin, batez ere inspektore, tailerretako langile, eta koordinazio lanetan eta autobus flotaren funtzionamendua zaindu duten ezinbesteko beste hainbat langileri esker.