Author: Esti

Dbus-ek bat egiten du Dravet Sindromearen Inguruko Kontzientziazioa Bultzatzeko Nazioarteko Egunarekin

dravetEkainaren 23an, ostiralean, Dravet Sindromearen Inguruko Kontzientziazioa Bultzatzeko Nazioarteko Eguna ospatuko da. 

Dravet Sindromea edo Haurtzaroko Epilepsia Miokloniko Zorrotza 4 eta 12 hilabeteko haurrengan agertzen da lehen aldiz, eta konbultsio kloniko edo toniko-kloniko orokor edo aldebakarrekin lotua dago. Orokorrean iraupen luzekoak dira konbultsioak, sukarrarekin edo gabe. Azken ikerketen arabera, gaixotasun honek 20.000 jaiotzetik 1i eragiten dio. 

Dbusek bat egiten du Dravet Sindromea ezagutarazteko eta gaixotasun honen aurka lanean dihardutenei babesa emateko tokiko plataformak egiten dituen ekintzei. Horregatik, bihar Donostiako hiri autobus guztiek Dravet Sindromearen kartela eramango dute egun guztian zehar.

Irakurri

Dbusek mugikorretarako duen App-aren bertsio berria kaleratu du, hobekuntza ugarirekin eta funtzionaltasun berriekin

app_cartel_biDatozen egunetan Dbuseko erabiltzaileek smartphoneetarako Dbusen app ofizialaren bertsio berria deskargatu ahal izango dute. Bertsio berriak hobekuntza ugari eta funtzionaltasun berriak ditu, eta aldaketa horiek denek bere funtzionamendua optimizatzen dute eta zerbitzu berriak eskaini, nabigazioa errazagoa, azkarragoa eta intuitiboa izan dadin.

Bertsio berria doakoa da eta jada eskuragarri dago Android-eko online dendan. Laster iOS-eko online dendan ere deskargatu ahal izango da. Gainera, Windows Phone-rako app-aren bertsio bat ere sortu du. Bertsio hori datozen egunetan egongo da eskuragarri Microsoft Storen.

Dbusek 2014aren amaieran kaleratu zuen bere app-a eta jada ia 60.000 deskarga egin dira. Deskarga gehien dituen udal aplikazioetako bat da.

Aplikazioak Dbuseko lineen eta haien ibilbideen eta ordutegien gaineko informaziorik osotuena ematen du, eta zerbitzuaren informazioa kontsultatzeko erabiltzaileek duten tresnarik praktikoenetakoa da. Ildo horretan, egin diren hobekuntza asko erabiltzaileek beraiek egindako proposamenetatik eta iradokizunetatik sortu dira.

Egin diren hobekuntzetatik, hauek nabarmentzen dira:

– Autobusen iritsiera alertak: erabiltzaileek alertak edo alarmak programatu ditzakete, Dbuseko zerbitzuak beraiek aukeratutako geltokietara iristen direnean app-ak horren berri eman diezaien, erabiltzaileek beraiek aukeratutako aurrerapenez. Horrela, bidaiak hobeto planifikatu ditzakete.

Mugi txartela kargatzeko gunerako sarbidea: atal honek Gipuzkoako Garraioko Lurralde Agintaritzaren web gunera eramaten du, erabiltzaileek txartelak online kargatu ahal ditzaten.

Era berean, Dbuseko autobusetan ordaintzeko makinak berritu direnez, jada aktibatu daitezke MUGI txartel pertsonalizatuetan Internet bidez egindako kargak. Sistema horrek, Lurraldebuseko hiri arteko autobusetan instalatutakoak ez bezala, txartelen karga automatikoki aktibatzen uzten du gidariak esku hartu beharrik gabe. 

– Linea bakoitzari buruzko informazio osatuagoa: linea bakoitzaren grafikoa ematen du, geltokietako informazioan agertzen den moduan, eta linea bakoitzaren irteera guztien informazioa ere ematen du, linearen ibilbideaz gain.

Hizkuntzaren aldaketa app-ean bertan: orain arte kontsultarako hizkuntza mugikorrean ezarrita zegoen hizkuntzaren menpe zegoen. App-aren bertsio berriarekin, hizkuntza aldatu daiteke “Ezarpenak” atalean. Horrela, erabiltzaileek errazago erabili ahal izango dute. App-a euskaraz, gaztelaniaz, ingelesez eta frantsesez dago erabilgarri.

– Geltokietara iristeko denborari buruzko informazioa soinu bidez:  geltoki bateko iritsiera denborak kontsultatzean agertzen den “Ahotsa” botoiari sakatuta kontsultatu daiteke. Funtzio honek soinua erreproduzitzeko beste programa batzuk behar ditu, eta autobusen iritsiera orduen eta zerbitzu horien helmugaren gaineko informazioa soinu bidez jasotzeko aukera ematen die horren premia dutenei.  

Oso funtzionaltasun praktikoa da adineko pertsonentzat edo dibertsitate funtzionala dutenentzat, eta beste sistema batzuen osagarria da, hala nola itsuentzako edo ikusmen urria dutenentzako soinu bidezko informazio sistemarena, zeinak urrutiko aginte baten bidez autobusen iritsiera orduen berri ematen duen, bai paneletan bai autobusa geltokira iristean, eta autobusaren barruan ere, hurrengo geltokiaren abisu sistema martxan jarri ahal izateko.

Hurrengo zerbitzuei buruzko informazio zabaldua: praktikotasuna dela eta, ordutegiak kontsultatzen direnean app-ak kontsultatutako orduan aurreikusten diren zerbitzuez gain kontsultatutakoa baino ordubete lehenago eta ordubete geroago aurreikusten diren zerbitzuen gaineko informazioa ere ematen du. Bertsio berriarekin, kontsultatu diren orduak azken zerbitzukoak badira, linearen ordutegi guztiak kontsultatzeko aukera egongo da. ikusteko zer irteera dituen linea horrek.

– Iritsiera denboren gaineko informazioa hobetzea: orain arte, iritsiera denborak adierazteko zerbitzuak geltoki jakin batera iristeko falta ziren minutuak ematen ziren. App-aren bertsio berriarekin, benetako iritsiera denborak ez ezik planifikatutako denborak ere ematen dira, benetako informazio eduki ezean. Benetako informazioa eta planifikatutako informazioa bereizteko, lehenengoa minututan emango da eta bestea, hau da, planifikatutakoa, orduak eta minutuak adieraziz.

Informazio sistemaren hobekuntza hau autobusak geltokietarako iristeko falta zaizkien denborak ematen dituzten beste euskarri batzuetan ere garatu da, hala nola, geltokietan bertan dauden panel elektronikoetan, autobusen barruko pantailetan eta web orrian.

– Aplikazioa nola erabili jakiteko tutoriala: “Informazioa” atalean, erabiltzaileek bideo bat dute ikusteko nola funtzionatzen duen app-ak, modu errazean azalduta. Bideoa ikusteko aukera egongo da, halaber, app-a lehenengo aldiz deskargatzen denean edo aplikazioaren eguneraketa egiten denean. Bideoa ikusgai dago, baita ere, Dbusen Youtube kanalean.

– Menu nagusiaren azalpen testu berriak: “Alarma”, “Karga” edo “Ezarpenak” ikonoak dira. App bertsio berriaren funtzionaltasun berriei dagozkien ikonoak dira. Gainera, azalpen testu guztiei beste testu bat gehitu zaie, errazago identifikatzeko. 

Beste hobekuntza batzuk: gogoko geltokien aukeraketa errazagoa, ibilbideak sinplifikatuta, nabigazio errazagoa eta urrats gutxiagorekin, etab. 

App-aren bertsio berri hau teknologiak berrituz Dbus zerbitzua hobetzeko zein erabiltzaileak hobeto informatzeko eta ingurumenarekin arduratsuagoa den garraio publiko bat bultzatzeko egiten ari den lanetako bat da.

Mugi txartelen kargak aktibatzea Dbuseko autobusetan

Jada aktibatu daitezke Dbuseko autobusetan internet bidez egiten diren MUGI txartel pertsonalizatuen kargak.

– Mugi txartel hobaridun berri bat erosterakoan, lehenengo karga kiosko batean egin behar da, eta gutxienez behin bidaiatu txartel horrekin. Ondoren, Mugi-ren webgunean erregistratu eta txartela bertatik kargatu ahal izango da, ondoren Dbusen karga hori aktibatzeko.

– Kargak MUGIren webgunean egin behar dira. Dbusen mugikorretarako app-aren bertsio berriak MUGIren webgunerako esteka bat dauka eragiketa errazteko, baina kargak ez dira Dbusen webgunean egingo, ez eta Dbusen app-ean ere.

Karga 23:00ak baino lehen egin behar da, hurrengo egunean Dbuseko autobusetan aktibatu ahal izateko. Kargak 23:00ak igaro eta gero egiten badira, egun bat geroago egongo dira operatibo.

– Gidariaren postuaren ondoan kokatuta dauden txartel makina berrietan baino ez dira aktibatuko kargak. Txartelak ezingo dira balioztatzeko gainerako makinetan aktibatu.

Norbait gurpildun aulkian edo haur aulki batekin igotzen bada autobusera, beharrezkoa izango da pertsona bera edo beste norbait gidariaren ondoko txartel makinara hurbiltzea karga aktibatu ahal izateko.

– Makinetan txartelen diru kargak aktibatu daitezke, baina EZIN DA diru kargarik egin.

– Diru karga bat aktibatzen den bakoitzean, txartel makinak saldoaren egiaztagiri bat inprimatuko du, eta erabiltzaileak eskatu ezean gidariak gordeko du egiaztagiria.

– Erabiltzaileak bidaia txartelarekin ordaintzen duen unean bertan aktibatzen da diru karga.  Ez da beharrezkoa aparteko ezer egitea, ez eta gidariak esku hartzea ere, beste operadore batzuetan hala bada ere.

 

 

Irakurri

Dbus ONCE-ren “Garraio Tour”-en partaide

once_garraiotur_2017ONCEren Astea dela eta, Dbusek “Garraio Tour” jardueran parte hartu du. Jarduera hori Gipuzkoako hainbat garraiobidetan egin da, eta bere helburua izan da jendea ohartaraztea zer zailtasun dituzten itsuek garraio publikoan bidaiatzen dutenean eta erakustea zer esfortzu egiten duten garraio operadoreek irisgarritasunaren alorrean.

Gipuzkoako hainbat garraio operadorek eta erakundek parte hartu dute jardueran, hala nola Dbusek, Donostiako Udalak, Gipuzkoako Garraioko Lurralde Agintaritzak, Gipuzkoako Foru Aldundiak edo Eusko Jaurlaritzak. Erakunde horien ordezkariek garraiobide guztietan bidaiatu dute, begietan betaurreko batzuk jantzita zituztela, ikusmen urritasunak simulatuz, eta ONCEko pertsonek lagunduta. 

Dbuseko 13-Altza lineak egiten duen ibilbidean, egiztatu ahal izan dituzte irisgarritasunaren alorrean azken urteetan egin diren aurrerapenak, bai eta itsuei eta ikusmen urria duten pertsonei autobusean autonomia eta segurtasun handiagoz bidaiatzen uzten dien soinu bidezko informazio sistemaren funtzionamendua ere. Sistemak autobus lineen eta autobusen iritsiera denboren gaineko  informazioa ematen ditu soinu bidez, hiru eratan:

 

– Geltokietako informazio paneletan, autobusak iristen direnean jakinaraziz. 

– Autobusaren kanpoaldean, linearen zenbakia eta ibilgailuaren helmuga adieraziz.  

– Autobusaren barrualdean, linearen hurrengo geldialdia adieraziz.

 

Audio zerbitzua aginte baten bidez aktibatzen da, itsuek dutenaren antzekoa eta semaforoen soinua aktibatzeko erabiltzen den bera. Era berean, autobusen barruan, erabiltzaileek audio sistema martxan jartzeko eskatu ahal diete gidariei. Horrela, erabiltzaileek ibilgailuak egingo dituen geldialdien abisuak entzun ditzakete, euskaraz zein gazteleraz.  Era berean, flotako ibilgailu guztiak egokituta daude mugikortasun urria duten pertsonentzat. 

Donostiako Garraio Erregelamenduak, halaber, Dbuseko autobusetan beste pertsona batekin batera bidaiatzeko aukera ematen die itsuei, seguru eta eroso bidaiatu dezaten,  laguntzaile moduan doan pertsonak dohainik bidaiatuta. Modu berean, araudiak ezartzen du txakur gidariekin eta laguntzako txakurrekin ere joan daitezkeela 

Urteak dira Dbus eta ONCE elkarlanean ari direla Donostiako hiritarrei eskaintzen zaien zerbitzua hobetzen eta irisgarriago egiten. Konpainiak aurten ospatuko duen 130. urteurrena dela eta, Dbusek eta ONCEk ospakizuna gogoratzeko kupoi bat kaleratu dute. Era berean, Dbus behin baino gehiagotan izendatu dute Urrezko Kaskabiloa sarirako, oztopoak ezabatzen eta garraio publikoa erabiltzaile guztiengana hurbiltzen egindako lana eta ahalegina aitortzeko.

Irakurri

Hazien azken perching-a Dbus-eko autobusetan

perching_udaBihar, asteartea, hasiko da hazien laugarren eta azken perching-a Dbuseko autobusetan. Ekainaren 20, 21 eta 22an entsalada hostoen 2.000 hazi poltsa banatuko dira autobus flotaren autobus hibridoetan, ingurumena gehiago errespetatzen duen teknologia baitute. 

Azken hilabeteetan, Dbusek hiru perching ekintza egin ditu autobusetan eta arrakastatsuak izan dira. Zehazki, ziazerben haziekin, hainbat eratako zerben haziekin eta tomate haziekin egin dira. Jarduerak harrera ona eduki du erabiltzaileen artean, eta Dbusen 130. urteurrena ospatzeko programako jardueretako bat da. Cristina Enea Fundazioarekin elkarlanean egin da, garraio publikoaren erabilera eta bizimodu ohitura osasuntsuak bultzatzeko. 

 

Azken perching honetan entsaladarako lau barazki motaren haziak banatuko dira: letxuga, mostaza, pak-choi, mizuna eta komatsuna. Mizuna eta komatsuna Japoniako barazkiak dira, eta pak-choi Txinakoa da. Entsaladetan beste hosto batzuekin batera erabiltzen dira sarritan. Nekazaritza iraunkorretik datozen haziak dira, dituzten zigiluek hori egiaztatzen dute eta: Era berean, hazi poltsa bakoitzarekin batera haziak ereintzeko jarraibideak datoz. Poltsak hiri barruan dabiltzan autobus lineetako autobus hibridoetan jarriko dira, zintzilik. 

Aurreko perching ekintzetan bezala, ekintza hau ere sare sozialetan jarraitu ahal izango da, #HiriBerdea hashtagarekin, non erabiltzaileek landareen eboluzioa partekatu ahal izango baitute. 

Irakurri

Dbus, pertsonak eramaten dituzten pertsonak

Nagore_eusk_peq“Pertsonak eramaten dituzten pertsonak” da Dbusek enpresako enplegatuen lana balioesteko eta donostiarrei gidarien irudi gizatiarragoa helarazteko abiarazi duen kanpainaren leitmotiv-a.

Kanpainak Dbuseko gidari askoren istorioak biltzen ditu; gidarien kontakizun laburrak dira, euren eguneroko lanaren gainean ez dakizkigun gauzak eta haien kezkak eta bizipenak azaltzen. Ekimen honen helburua da donostiarrek pixka bat gehiago ezagutu eta ulertu ahal izatea gidariek, pertsonak garraiatzen dituzten pertsona horiek, egunero egiten duten lana eta egunero bizi dituzten egoerak. 

Markesinetan, autobus batzuen kanpoaldean eta ibilgailuen barruko pantailetan dago kanpaina. Sare sozialetarako bideo labur batzuk ere sortu dira, non autobus gidariek egunero Dbusen egiten duten lanaren gainean hitz egiten baitute. Bideoak Dbusen Youtubeko kanalean daude ikusgai.

Euskarri horietako bakoitzerako istorio desberdinak aukeratu dira. Denak benetakoak dira eta denetan Konpainiako gidariak dira protagonista. Gainera, gidariei keinu eginez, gaur autobusek Dbuseko gidari batzuen izenak eramango dituzte linearen izenaren kartelaren ondoan.

Partekatu zure istorioa www.dbusistoriak.eus webgunean

Imanol_eusk_1_peqEsperientzia horiek guztiak www.dbusistorioak.eus webgunean daude jasota, eta erabiltzaileek beren bizipenak ere argitaratu ditzakete bertan. Asmoa da Dbuseko langileek eta erabiltzaileek kontatutako istorioekin osatzea Donostian autobusean bidaiatzen duten pertsona guztien historia, izan ere, pertsona horiek ahalbidetu dute 130 urte igaro ondoren Dbusek gure hiriko erreferente izaten jarraitzea. Hori hala da erabiltzaile horiei guztiei esker, bai eta egunero Dbuseko autobusetan Donostia osoan dabiltzan gidari guztiei esker ere.

Autobus erabiltzaileek beren esperientziak idatzi ditzakete zuzenean webgunean; halere, datozen egunetan Dbuseko langileak ibiliko dira linea guztietan erabailtzaileei beren istorioak kontatzera animatzen.

Kanpainaren bukaeran, erabiltzaileek proposatutako istorio guztien artean 5 aukeratuko dira, eta irabazleek Dbusen hiru hilabetean doan bidaiatzeko txartel bat eskuratuko dute.

Azken finean, kanpainak autobusetan elkarbizitza hobetzea bilatzen du, gidarien lana ezagutaraziz eta erabiltzaileekiko puntu komunak bilatuz, bai eta garraio publikoaren erabilera bultzatzea, garraio bide iraunkor eta hurbila den heinean.

Bideoak ikusi

> Bea eta Jose-ren istorioa

> Sergio eta Imanol-en istorioa

Nagore eta Josetxo-ren istorioa

> Nerea eta Ramon-en istorioa

Irakurri

Dbus-eko langileek enpresaren 130. urteurrena ospatu dute jai familiar batekin

20170610_123949_webGaur, Konpainiako langileek eta beren senideek jai alaitsua egin dute Dbuseko Kotxetegian enpresaren 130. urteurrena dela eta. Lehen ordutik adin guztietarako jarduera asko eduki dituzte disfrutatzeko: puzgarriak, trikkeen zirkuitua (monopatinak), formula 1en simulagailuak, haurrentzako jolasak, Irrien Lagunak-en ikuskizuna…

Jaian, patata tortillen lehiaketa bat ere antolatu da. Lehiaketa oso animatuta egon da, eta Dbuseko langileek sukaldean dituzten abileziak proban jarri dira.  17 tortilla aurkeztu dira, eta epaimahaiaren lana ez da erraza izan. Epaimahaia langileen ordezkariek osatuta zegoen eta tortillen maila altua goraipatu dute.  

Era berean, jaian egon direnek Dbuseko autobus elektrikoetako bat ikusteko aukera eduki dute, ingurumeneko iraunkortasunarekiko konpromisoan erreferentea baita. Aukera ona izan da, beraz, eguna senideekin batera disfrutatzeko eta Donostiako garraio publikoa pixka bat gehiago ezagutzeko. 

 

Irakurri

Dbus-ek ingurumenarekin errespetutsua den teknologia duten 31 autobus berri edukiko ditu

Datozen lau urteetan Dbusek 12 eta 18 metroko 31 autobus berri gehiago izango ditu gehienez. Autobus berri guztiek ingurumenarekin errespetutsua den igorpen teknologia edukiko dute, beraz, agerian geratzen da Dbusek ekologiarekin eta iraunkortasunarekin duen konpromiso etengabea. foto

Dbusek MAN TRUCK & BUS IBERIA, SAU enpresari esleitu dio hiru autobus sortaren erosketa. Zehazki, diesel teknologia duten 12 metroko autobusak, 12 metroko autobus hibridoak eta diesel teknologia duten 18 metroko autobus artikulatuak erosiko dizkio. Lehen  unitateak 2017aren amaieran jasoko dira, eta autobus berri horiek Konpainiaren diesel autobusik zaharrenen lekua hartuko dute pixkanaka-pixkanaka, flota berritzeko plana garatzen jarraituta. Horrela, aurreikusten da urtean 154 tona CO2 gutxiago igorriko dela. 

MANen eskaintzako autobusek ekologia, efizientzia eta irisgarritasunari dagokienez ibilgailuei eskatzen zaizkien ezaugarriak betetzen dituzte. Autobus guztiak Dbuserako pertsonalizatuta egongo dira, bere bidaiarien egungo premietara egokituta egongo dira eta. Hala, Dbusen eskakizun guztiak beteko dituzte irisgarritasun, erosotasun eta segurtasunari dagokienez, eta %100 irisgarriak izango dira, zoru baxua eta sartzeko arrapala edukiko baitute, 2 aulki gurpildunetarako lekura iristeko. 

 

Dbus izango da hiru autobus modelo horiek erosten dituen lehen enpresa Estatuan, jakinda Euro 6c araudia betetzen dutela eta, beraz, beren motor termikoak igorpenen saiakuntza berrietarako prest daudela. Saiakuntza berri horiek 2020an sartuko dira indarrean, eta benetako funtzionamendu baldintzen pareko emaitzak lortu nahi dituzte.

 

Hauek dira esleitutako ibilgailuak: 

 

1) Diesel teknologia duten 12 metroko autobusak: MAN etxearen Lion´s City NL 283 (A21) modelokoak. Autobus horiekin kontsumoa %12 inguru murriztu daiteke, prestazio berberak zituzten aurreko modeloen aldean. 

2) 12 metroko autobus hibridoak: Dbusek autobus hibridoen beste unitate batzuk gehiago edukiko ditu, zehazki MAN etxearen Lion’s City NL HIBRIDO (A37) modelokoak. MAN etxearen Lion’s City Hibrido modeloarekin igorpenak %25 inguru murriztu daitezke, antzeko ezaugarriak dituzten diesel autobusen aldean. Modelo honek funtzio hauek ditu: 

– “Serie”-ko konfigurazioa, abiadura kaxarik gabea, gidatzea oso eroso egiten duena.  

– Frenatzearen energia berriro erabilgarri egitea (suabeago frenatzea, freno elementu mekanikoen kontserbazio handiagoa eta energia gordetzeko sistemari etekin handiagoa ateratzea).

– Arrive & Go funtzioa: funtzio horrekin, ibilgailua geltoki batera hurbiltzen denean eta ibilgailua abiarazten denean edo abiarazten ari den bitartean, modu elektrikoan baino ez du funtzionatzen, gasik igorrik gabe eta ingurunean kutsadura akustikorik eragin gabe.

 

3) Diesel teknologia duten 18 metroko autobusak: 18 metroko Lion’s City NG (A23 320 CV) modeloa aukeratu da. Frogatu da modelo honek %12 inguru gutxiago kontsumitzen duela, prestazio berberak dituzten aurreko modeloekin konparatuta. 

Era berean, flotara gehitu diren azken modeloetan bezala, autobus berriek USB kargagailuak edukiko dituzte bidaian zehar gailu elektronikoak doan kargatu ahal izateko.

 

2017aren amaierarako aurreikusita dago 12 metroko 3 autobus, 12 metroko 4 autobus hibrido eta 18 metroko 3 autobus artikulatu gehiago egotea zerbitzuan, eta horretarako beharrezkoa izango da 2.943.000 euroko inbertsioa egitea. Baliteke 2020rako flotan beste 31 autobus gehiago egotea gehienez. Hortaz, flota berritzeko aldiaren bukaeran, Dbusek Euro 6 teknologiadun autobus gehiago edukiko luke eta ibilgailu ekologikoen portzentajerik handieneko hiri garraioko flotetako bat litzateke, flotaren %80k igorpen mailarik zorrotzena betetzen bailituzke, grafikoan ikusi daitekeenez. Era berean, 12 metroko autobusen %35 baino gutxiago ibilgailu elektriko-hibridoak dira.

Irakurri

Mikrobus zerbitzua Pasealeku Berria eta Urgull mendira ekaineko asteburuetan

Ekainaren 3tik aurrera, larunbata, Dbusek mikrobus zerbitzua emango du Urgull Mendira, ekaineko larunbata eta igandetan, 39-URGULL linearekin. Zerbitzuak 30 minuturo izango dira goizeko 11:00etatik 13:30era, eta arratsaldeko 17:00etatik eta 20:00etara.

 

-Urgulleruntz irteerak SALAMANCA PASEALEKUTIK izango dira, ondorengo orduetan:captura l39

11:00 – 11:30 – 12:00 – 12:30 – 13:00 – 13:30

17:00 -17:30 – 18:00 – 18:30 – 19:00 – 19:30 – 20:00

 

-Urgulletik irteerak SANTIAGOKO BATERIATIK izango dira ondorengo orduetan:

11:15 – 11:45 – 12:15 – 12:45 -13:15 -13:45

17:15 – 17:45 – 18:15 – 18:45 – 19:15 – 19:45 – 20:15

 

Urgullerako zerbitzuaz gain, mikrobus honek Bretxa eta Pasealeku Berriko aparkalekuen arteko garraio publikoko konexioa dakar. 

Uztaila eta abuztuko egun guztietara hedatuko da zerbitzu hau, Aste Nagusian eta aurreko eta ondorengo egunetan izan ezik, Pasealeku Berriko barraken instalazioa dela eta. Irailean zerbitzua asteburutan emango da berriz ere, Estropadetan izan ezik. 

recorrido L39

Irakurri

Grupo Acha enpresaren ordezkaritza bat Dbus-en, bisitan

acha_bisita_2017Gaur, Grupo Acha Movilidad enpresaren ordezkaritza bat Dbusen egon da, bisitan, Kotxetegien instalazioak ezagutzeko eta Dbuseko autobus flotan instalatu diren azken aurrerapen teknologikoen xehetasunak eta Dbusen autobus elektrikoak ikusteko. Enpresak Derion du egoitza, eta autobus bidezko garraio zerbitzu bereziak ematen ditu. Bizkaiko Foru Aldundiaren Bizkaibus programako operadorea ere bada.

 

Ordezkaritzak Dbusen inplementatutako planifikazio sistema adituak ezagutzeko interesa erakutsi du. Sistema horiei esker eraginkortasunez kudeatu daitezke autobusak eta gidarien eta tailerretako zein garbiketako langileen ordutegiak antolatzeko giza baliabideak eta baliabide teknikoak. Era berean, Dbusen ezarritako beste sistema batzuk ezagutu dituzte, hala nola autobusek puntualtasuna eta abiadura komertziala handia edukitzea eta Donostiako hiritar askok Dbuseko autobusak erabiltzea ahalbidetzen dutenak.

 

Horrez gain, ordezkaritzak aukera izan du Dbusen autobus %100 elektrikoak ezagutzeko, zeintzuek ingurumenarekin errespetutsuagoa den teknologia baitute. Kotxetegiak bisitatu dituztenean, ibilgailu horien zaintzarako eta kargarako sistema ikusi ahal izan dute, autobus hibridoen funtzionamendua egiaztatzeaz gain. Une honetan, Dbusek %100 eletriko diren 3 autobus eta 20 autobus hibrido ditu flotan, eta ingurumenaren aldetik flotarik iraunkorrenetakoa du. Hain zuzen, 12 metroko autobusen %25 elektriko-hibridoak dira.

 

Ildo horretan, Grupo Acha enpresako arduradunek baieztatu ahal izan dute zerbitzu teknikoaren lana, zeina egunero autobusetan gerta daitezkeen gorabeherak konpontzeaz eta autobus flota ahalik eta baldintzarik hoberenean egoteko aldian-aldian ibilgailuei egin beharreko mantentze lanak egiteaz arduratzen den. Interesa agertu dute, halaber, lana antolatzeko eta ondoren sailkatzeko moduaz, zeinari esker dokumentazioa zehaztasunez artxibatu eta edozein unetan kontsultatzeko moduan eduki dezaketen.

Irakurri

Dbus eta Reala, batera #NikEreDbus kanpainan

Real 4Reala da Dbusek bere 130. urteurrena dela-eta abian jarri duen #NikEreDbus kanpainako bideo berriaren protagonista. Horrela, talde txuri-urdinak babesa erakutsi nahi izan dio Dbusi eta garraio publikoaren erabileraren alde dagoela agertu, Donostiako garraiobide iraunkor gisa.

Reala bideo bateko protagonista da, non Xabi Prieto eta Joseba Zaldua jokalariek Dbusen egiten zituzten bidaien gogorapenak elkarri kontatzen dizkioten. Bideoa Dbusen web orrian eta Youtubeko kanalean dago jada ikusgai.

Dbusek konpromiso leiala dauka Realarekin eta Realzaleekin. 15 urte baino gehiago dira Dbusek autobus zerbitzu bereziak eskaintzen dituela hiriko auzo guztietan, Anoetako partidetara joateko. Realzaleek beren taldea jokatzen ikustera joateko oso gustuko dituzten zerbitzuak dira, eta denboraldi honetan 100.000 bidaia inguru erregistratu dira.

Kanpainan lagunduta, Realak bat egiten du hiriko biztanle anonimoekin zein ezagunekin, hala nola La Oreja de Van Goheko kideekin edo Donostiarra traineruko kideekin, denak Dbusen 130. urteurreneko ospakizunetako partaide baitira. 

Bideoa ikusi

Irakurri