Category : Berriak home

Dbusek bere historiako flotaren berrikuntzarik handienari ekin dio

Dbusek bere flota progresiboki berritzeko zereginean jarraitzen du, 12 metroko 12 autobus hibrido gehituta. Autobusak 10 urterako 3.444.000€-ko mailegu jasangarri bati esker erosi dira, eta Kutxabanken proposamena izan da merkatutik jasotako eskaintzarik onena.

Mailegua gaur sinatu da Donostiako udaletxean, eta ekitaldian parte hartu dute Ogasuneko eta Finantzetako Zinegotzi Jaime Dominguez-Macayak, Dbuseko Zuzendari Gerente Igor Gonzalezek eta Kutxabankeko Banku Instituzionaleko Zuzendari Jaione Lamyk.

Flotaren berrikuntza garrantzitsua

Azken urteetan, Dbusen flotak bere historiako berrikuntzarik handienari ekin dio, ibilgailuen gaur egungo batez besteko adina 6,4 urte izanik. 2014az geroztik, flotari gehitu zaizkion autobus guztiek diesel motorra ez bezalako teknologia dute, eta azken aurrerapen teknologikoak dituzte.  Dbusek 3 autobus %100 elektriko ditu eta 12 metroko 50 autobus hibrido, hau da, gutxi gorabehera, 12 metroko flotaren erdia elektriko-hibridoa da.

Kalkulatzen da autobus berri horiek 10 litro gutxiago kontsumitzen dutela 10 km-ko, baztertuko diren autobusekin alderatuta. Flota berritzeko prozesuak flota osoaren erregai kontsumoa %15 inguru murriztea ahalbidetuko du, eta urtero atmosferara 1.300 tona CO2 igortzea saihestuko du.

Flota moderno, eroso, seguru, irisgarri eta jasangarria eskaintzeko konpromisoan beste urrats bat eginez, Dbus lanean ari da autobus artikulatuak ere berritzeko. Gaur egun 18 metroko 30 autobus dauzka, eta aurreikusita dago autobus unitate artikulatu hibrido berriak erostea, Dbusek teknologia horrekin erositako 18 metroko lehen unitateak izango direnak.

Kutxabanki dagokionez, inbertsio jasangarriak bultzatzeko estrategiaren beste pauso bat da, helburuak izanik ingurumen inpaktu positiboa duten jarduerak egitea, efizientzia energetikoa hobetzea, karbono aztarna murriztea eta ‘ekonomia berdea’ delakoa garatzea.

 

 

Irakurri

Kudeaketa energetikoaren ISO 50001 AENOR ziurtagiria eskuratu du Dbus-ek

Energiaren Kudeaketarako Sistemaren UNE-EN ISO 50001 araua ezarri du Dbusek, baliabide energetikoak modu efizientean erabiltzen utziko dion tresna bat edukitzeko eta horren bidez Konpainiaren energiaren kontsumoa eta igorpen kutsatzaileak murrizteko. AENORek ziurtatu du arau berri horren ezarpena, eta Dbusen jarduera guztietan erabiltzen den energiaren iraunkortasunarekiko eta efizientziarekiko konpromiso etengabearen adierazgarria da.

Arau horren barruan sartzen dira Euskal Autonomia Erkidegoaren Jasangarritasun Energetikoaren Legeak ezartzen dituen helburuak. Legea 2019ko otsailean onartu zen, Eusko Legebiltzarrean, eta euskal administrazio publikoetako eta sektore pribatuko eraikinei, instalazioei eta ibilgailuei aplikatu beharrekoa da.

Ziurtagiri honen entrega ekitaldian parte hartu dute Donostiako Udaleko Mugikortasun eta Garraioko zinegotzi Pilar Aranak, Dbuseko zuzendari gerente Igor Gonzalezek eta Euskadiko AENOR zuzendari Luz Emparanzak.

Arauaren ezaugarriak

ISO 50001 araua nazioarteko araua da, energiaren kudeaketa sistemen gainekoa, eta erakundeen efizientzia energetikoa hobetzea du helburu. Konpainiak garatzen dituen jarduera, operazio edo zerbitzu guztiei aplikatzen zaie, baita Konpainiaren flotari ere, energia modu egokian kudeatzen dela bermatzeko.

Arauaren aplikazioak helburu eta onura hauek aurreikusten ditu:

–  Baliabideak modu efizienteagoan kontsumitzen laguntzen du, baliabideak etengabe monitorizatuz. Kontsumo efiziente horrek, aldi berean, kostuak murriztea dakar.

– Baliabide energetikoen kudeaketako gardentasuna errazten du.

– Energiaren efizientziarako teknologia berrien ezarpena ebaluatzen eta lehenesten laguntzen du.

– CO2 igorpenak eta beste igorpen kutsatzaile batzuk murriztea ahalbidetzen du.

– Energiaren kudeaketan egoki jardutea bultzatzen du.

– Hornidura kate osoan energiaren aldetik efiziente izateko esparrua eskaintzen du.  

– Konpainiak energiari buruzko lege betekizun guztiak betetzen dituela bermatzen du.

Dbus enpresa aitzindaria da kalitate irizpideak lehentasun gisa ezartzen. Euskal Herrian Bidaiaren Garraio Publikoari buruzko UNE-EN 13816 arauaren araberako AENOR ziurtagiria lortu duen lehen garraio enpresa da, eta arau berria ezarrita zerbitzuaren kalitatea ez ezik energiaren kudeaketa ere bermatzen du. Era berean, COVID-19ari aurre egiteko moduaren AENOR ziurtagiria dauka, eta ziurtagiri horrekin bermatzen da Konpainiak egoera berri honi aurre egiteko ezarri diren eta beharrezkoak diren protokoloak eta neurriak betetzen dituela.

 

 

 

 

Irakurri

Dbuseko geltoki berria 19, 31 eta B2 lineetan

Abenduaren 17ik aurrera, osteguna, Dbuseko 19-Aiete-Bera Bera, 31-Intxaurrondo-Ospitaleak-Altza eta B2-Aiete-Bera Bera lineek geltoki berri bat edukiko dute, Lizarra geltokia.

Aieterantz doazela, Larramendi kalean geldialdia egin ondoren, Lizarra kaletik jarraituko dute eta Aldapeta María Ikastetxearen aurrean geldialdia egingo dute, eta beren ibilbidea egiten jarraituko dute Aldapetatik.

Irakurri

Dbus: IGO GARRAIO SEGURURA

Dbusek informazio kanpaina bat abian jarri du garraio publikoa sustatzeko garraiobide seguru eta iraunkor gisa, segurtasun eta higiene neurri guztiak betetzen duen garraiobidea baita; izan ere, COVID-19ari aurre egiteko moduaren AENOR ziurtagiriak hori bermatzen du. 

Kanpaina azterketa zientifikoetan eta osasun publikoko adituen iritzian oinarritzen da, eta autobusean bidaiatzea seguru egiten duten arrazoi nagusiak biltzen ditu:

Autobusen eta Kotxetegietako instalazioen eguneroko garbiketa eta desinfekzioa. Lan horiek egiteko, ihinztatzeko sistema motorizatu berritzaile bat erabiltzen da, eta sistema horrekin autobusaren barruko leku guztietara iristen da eta desinfekzio zehatzagoa eta zorrotzagoa egin daiteke.

Autobusen okupazioaren monitorizazioa, erabiltzaile gehien erregistratzen duten lineetan irteera gehiago jartzeko, jakinda azken hilabeteetan erregistratu den batez besteko okupazioa %22 izan dela eta zerbitzuen %99,3k %50 baino gehiagoko okupazioa dutela.  

Zerbitzuak areagotzen dira puntako orduetan: irail hasieratik Dbusek bere baliabideen %100a du aktibatuta eta zerbitzuen maiztasunak maximoak dira ahalik eta leku gehien eskaintzeko.

Maskaren erabilera derrigorrezkoa da erabiltzaileentzat eta gidarientzat. Era berean, autobusek babes manpara dute gidariaren postuan.

– Dbuseko autobusetan garraio txartelarekin eta banku txartelarekin ordaintzea gomendatzen da, osasun kontuengatik eskudiruaren erabilera murrizteko.

– Ibilgailuak zerbitzuan daudela etengabe aireztatzen dira, airea une oro sartzen baitzaie, geltokietan ibilgailuaren ate guztiak irekiz eta itxiz eta lehen orduan kotxetegietatik ateratzen den unetik ibilgailuaren leiho eta sabai leiho guztiak irekiz. Hiri garraioko ibilbideak laburrak izateak eta geltokitik geltokira distantzia txikia egoteak laguntzen du aireztapen horretan. Era berean, pegatinak jarri dira autobusetako leiho guztietan, erabiltzaileei leihoak irekita utz ditzatela eskatzeko, aireztapena areagotzeko.  

Kanpaina hainbat euskarritan dago, hala nola Dbusen markesinetan, autobusen barruko pantailetan, 4 autobusen errotuluetan, web orrian eta sare sozialetan.

Bideoa ikusi

 

Dbuseko autobusetako aireztapena indartzea

Dbusek COVID-19ari aurre egiteko moduagatiko AENOR ziurtagiria dauka, zeinarekin bermatuta dago Konpainiak ematen duen zerbitzuan Dbsuek egoera berri honi aurre egiteko duen protokoloan bertan ezarritako protokolo eta neurriak betetzen direla.

Ibilgailuetako aireztapena hobetzea da neurri horietako bat. Dbuseko autobusak etengabe aireztatuta daude zerbitzua ematen ari diren bitartean, geltokietan ate eta leiho guztiak irekiz eta ibilgailua lehen orduan Kotxetegietatik irteten den unetik lehio eta sabai leiho guztiak irekiz aire ekarpena jarraitua baita.

Era berean, linearen ibilbide bukaerako geltokira iristen den bakoitzean, gidariek bermatu behar dute leihoek irekita jarraitzen dutela, aireztapena jarraitua izatea ahalbidetzeko, eta, ahal den guztietan, geltoki horietan ate guztiak ere irekiko dira.

Egun osoan aireztapena ahalik eta handiena izan dadin, erabiltzaileei eskatzen zaie leihoak irekita uzteko. Horretarako, leiho guztietan pegatinak jarri dira informazio horrekin eta autobusen barruko pantailetan ere ematen ari da informazio hori.

Irakurri

Dbizi bizikletak alokatzeko sistema berriaren gaineko informazio guztia zure eskura

Datozen asteetan, hiriko bizikleta alokatzeko sistema berria edukiko du Donostiak, Dbizi sistema, alegia. UTE BIZISSek (MOVUSek eta URBASERek eratutako ABEEa) kudeatuko du udal sistema, Dbusen eta Donostiako Udalaren bitartez.

Sistema berriak aurrekoak baino sare zabalagoa dauka, 46 geltokirekin eta 437 bizikletarekin, eta bizikleta horietatik 120 elektrikoak dira, eta 317 mekanikoak. Geltoki guztiak mistoak dira, hau da, bizikleta mekanikoak zein elektrikoak hartu eta utzi ahal izango dira puntu berean.

Geltokiak hiriko hainbat auzotan jartzen ari dira eta gaurtik aurrera www.dbizi.eus web orrian kontsultatu ahal izango da geltokiei eta beren kokalekuei buruzko informazio guztia, bai eta tarifei edo sistemaren funtzionamenduari buruzkoa ere.

Era berean, jada irekita dago Dbiziren Erabiltzailearen Arretarako Bulegoa, Zorroaga pasealekuko 23-25ean; astelehenetik ostiralera egongo da zabalik, lanegunetan, 9:00etatik 14:00etara eta 15:00etatik 18:00etara. Telefonoz (943 060 888), sare sozialen bidez, posta elektroniko bidez ([email protected]) eta whatsapp edo telegram bidez (648 019 332) ere jar daiteke harremanetan bulegoarekin.

Sistema abian jartzeak ahalbidetuko du Donostiako mugikortasun iraunkorreko eskaintza handitzea eta errazago egingo du garraio modu guztien arteko intermodalitatea.

Sisteman alta eman

Abenduaren hasieran eman ahal izango da izena sisteman, Dbiziren web orriaren edo apparen bidez, edo Dbiziren Erabiltzailearen Arretarako Bulegoan.  Lehengo sistemaren erabiltzaileek (2020ko ekainean sistemari baja eman zitzaionean abonatuak zirenak) %50eko deskontua izango dute banakako abonu arruntean, baldin eta 2021eko urtarrilaren 6a baino lehen ematen badute alta sistema berrian.

Horretarako, datozen egunetan, kode bat jasoko dute posta elektroniko bidez eta abenduan, sisteman izena emateko epea modu ofizialean irekitzen denean, deskontuaz baliatu ahal izango dira. Era berean, urtarrilaren 6a baino lehen erregistratzen diren erabiltzaile berriek %25eko deskontua edukiko dute banakako abonu arruntean.

Tarifak eta ordainketa sistema

Dbiziren ordainketa sistema berriak kuota finko bat ezartzen du, banaka edo taldeka ordaindu beharreko abonu arrunta edo noizbehinkako abonu gisa, eta erabilerako denbora tarteen araberako ordainketa, bizikleta maileguan hartzen den denboraren arabera. Era berean, tarifa desberdina izango da bizikleta mekanikoa edo elektrikoa erabiltzen bada.

Sistemak taldeko abonu arrunta eta noizbehinkakoa ere baditu, 2-5 pertsonako taldeentzat, familientzat, enpresentzat eta abarrentzat. Abonuaren titular nagusiak egingo ditu taldeko pertsonen erabilerengatiko ordainketa guztiak.

Horrez gain, deskontuak egingo dira bizikleta elektrikoak erabiltzeko tarteen arabera (0-60 minutu) leku garaietan edo urrutik dauden auzoetako geltokietako joan-etorrietan (web orriko planoan adierazitakoaren arabera), eta deskontuak egingo dira, halaber, familia ugariagatik, abonu arruntetan eta noizbehinkakoetan.

Geltokien sarea

Garapeneko lehen fase honetan 46 geltoki jarriko dira hiriko 10 auzo edo gune hauetan: erdialdea, Gros, Egia, Ategorrieta-Ulia, Intxaurrondo, Antigua, Ibaeta, Loiola-Martutene, Aiete eta Amara.

Bigarren fasean, gainera, 22 geltoki gehiago jarriko dira, eta Bidebieta, Herrera, Altza eta hiriko beste eremu batzuetara zabalduko da sarea. 

Sistema berriak funtzionamendu ordutegi zabala du: astelehenetik ostiralera 06:00etatik 00:00etara, eta larunbat, igande eta jaiegunetan 24 orduz egongo da martxan.

Bizikleten ezaugarriak

Bizikleta berriak sendoak dira, eta sistemaren apparen bitartez desainguratzen eta ainguratzen dira. Bizikleta elektrikoek errotulazio berdea dute, eta mekanikoek, berriz, urdina.  

Elementu teknologikoak, fisikoki, geltokian daude eta ez bizikletan bertan, eta bizikletak mugitzen dira beti ainguraketa batetik bestera; beraz, bizikletak arinagoak dira eta ekintza bandaliko pairatzeko duten arriskua txikiagoa da. Horrek, azken finean, erabiltzaileek esperientzia hobea izatea dakar.

Informazio gehiago

Irakurri

Emakundek antolatu duen enpresetako berdintasunari buruzko jardunaldi batean parte hartu du Dbusek

BAI SAREAren Soldata Arrakalaren lantaldeak garatutako lan bati buruzko hitzaldi bat eman da Emakunde-Emakumearen Euskal Erakundeak enpresetako berdintasunaren alorreko aurrerapenei buruz antolatu duen jardunaldi batean, eta hitzaldi horretan parte hartu du Dbusek.

Emakumeen eta gizonen berdintasunerako lankidetza erakundeen sarea da BAI SAREA, eta Emakundek sustatua da, lan eremuan berdintasuna sustatzeko eta bermatzeko. Soldata Arrakalaren lantaldean, zehazki, sarea osatzen duten erakunde guztiek beren enpresetan duten egoera aztertzeko eta soldata arrakala murrizteko neurriak abian jartzeko baliagarri dituzten tresnak lantzen dira.

Jardunaldi honetan, DBUSeko Langile eta Giza Baliabideen arduradun Nerea Diezek soldata arrakalari buruzko lana aurkeztu du hainbat arlotako enpresen aurrean. Duela gutxi, gizonen eta emakumeen arteko berdintasunaren arloko neurriak jasotzen dituzten bi arau argitaratu dira (urriaren 13ko 901/2020 Errege Dekretua eta urriaren 13ko 902/2020 Errege Dekretua), eta horien helburua da berdintasun planak erregelamendu bidez garatzea eta neurri bereziak ezartzea emakumeen eta gizonen artean tratu berdintasunerako eta diskriminaziorik ezarako eskubidea gauzatzeko ordainsarien alorrean.

Emakunderen zigilua, Emakumeen eta Gizonen Berdintasunerako Lankidetza Erakunde gisa

2010az geroztik dauka Dbusek Emakundek ematen duen Emakumeen eta Gizonen Berdintasunerako Lankidetza Erakundearen zigilua, enpresan emakumeen eta gizonen arteko berdintasunaren alorrean aurrera egiteko hartutako konpromisoagatik eta egindako lanagatik eta horrela eremu soziolaboralean ekimen berriak sustatzeagatik. Sare horretako eta Soldata Arrakalaren lantaldeko partaide izanik, Dbusek urrats bat gehiago ematen du berdintasunaren eta Konpainiako langileen garapenean laguntzen duten praktika onen alde hartutako konpromisoan.

 

Irakurri

Irisgarritasuneko hobekuntza garrantzitsuak dituzten 12 autobus hibrido berri gehitu ditu Dbus-ek bere flotan

MAN markako 12 metroko 12 autobus hibrido berri gehitu ditu Dbusek bere flotan. Horietako sei martxan daude dagoeneko Donostiako autobus lineetan, eta beste sei prestatzen ari dira, datozen asteetan zerbitzuan jartzeko asmoz.

MAN LION’S CITY (12 C) EURO 6d modeloko ibilgailu hibrido bat da, DGTren Eco etiketa daukana, Dbusen neurrira egin da, bere bidaiariek egun dituzten premietara egokituz, eta Dbuseko flotaren ohiko prestazio guztiak ditu.  Modeloak diseinu berria dauka barrualdean zein kanpoaldean, eta optimizatu egin da pisuari eta prestazioei dagokionez. Motorizazio berria dauka, zeinarekin kontsumoa eta kutsatzaileen igorpena murriztu baitaitezke, aurreko belaunaldiko ibilgailuekin alderatuta. Era berean, autobus modelo berria material konposatuekin fabrikatuta dago; beraz, autobusaren bizitza baliagarriaren amaieran bere birziklapen tasa handiagoa izango da.

Autobus berri hauekin, Dbusek bere flota apurka-apurka berritzen jarraitzen du, Donostiako Udaleko Mugikortasun eta Garraioko zinegotzi Pilar Aranak azaldu duenez:  “Autobusak erosten eta ordezten jarraitzen dugu Donostian, eta une honetan Dbuseko flotan 12 autobus berri gehitu dira. Autobus berriak hibridoak dira, eta, gainera, modernoagoak direnez lehengo autobusek ez dituzten erosotasunak dituzte. Horiei esker Dbusen autobusak iraunkorragoak dira, eta ingurumenarekin errespetutsuagoak”.

Gaur egun Dbusen flotaren %57 12 metroko ibilgailu hibridoak edo elektrikoak dira, flota modernoa, erosoa, iraunkorra eta segurua eskaintzeko, kalitate estandarrik handienak eta egungo baldintzetan beharrezkoak diren neurri guztiak betez.  

Hobekuntzak irisgarritasunean

Modelo berriak hobekuntza garrantzitsuak ditu irisgarritasunari dagokionez.

– Autobuseko barra guztiek dute geldialdia eskatzeko sakagailua, erabiltzaileek sakagailua eskuragarriago eduki dezaten. Sakagailu horiek braillez ere errotulatuta daude. Era berean, barren profila ergonomikoagoa da.

Mugikortasun urriko pertsonentzako eserleku guztiak (eserleku berdeak) autobusaren martxaren noranzkoan kokatuta daude. Era berean, ibilgailuaren eserleku modelo berria ergonomikoagoa da.

Leku gehiago erdiko aldean haur aulkietarako eta gurpildun aulkietarako, eta erdiko alde horretara sartzeko lekua zabalagoa da, eta oztoporik gabea, maniobrak errazago egiteko.  

– Lehenengo aldiz, autobusak kartel espezifikoak eta desberdinak edukiko ditu geldialdia eskatzeko eta arrapala eskatzeko, autobuseko puntu guztietatik gehiago ikusteko moduan. 

Argitasun handiagoa ibilgailuaren barrualdean, zeharkako argiaren bitartez.

Ikusgarriagoak dira linearen eta helmugaren gaineko informazioa emateko autobusak kanpoaldean dituen kartelak.

Autobusek, halaber, DTKren eskakizun guztiak bete dituzte irisgarritasun, erosotasun eta segurtasunari dagokienez, eta %100 irisgarriak dira, zoru baxua eta sartzeko arrapala baitituzte bi aulki gurpildunetarako lekura iristeko.  

2014az geroztik Dbusen sartu diren autobusak bezala, ibilgailu berriek USB kargarako bi puntu dituzte, bidaian zehar gailu elektronikoak doan kargatu ahal izateko. 

Ingurumeneko kalitate handiagoa

 Autobus modelo berriak kontsumoak eta igorpenak murriztea ahalbidetzen du, frenatzearen energia berreskuratzeko sistema bat eta Start&Stop sistema erabiliz, horiengatik baita ibilgailu hibridoa. Horrez gain, autobus modelo honek mantentze lanen denborak optimizatzea eta mantentze lanen kostuak murriztea ere ahalbidetzen du, modelo berberaren aurreko belaunaldiarekin alderatuta.

12 autobus horiek zerbitzuan jarritan, Dbusek ingurumenaren aldetik flotarik iraunkorrenetako bat dauka, 53 autobus edo flota osoaren %42 hibridoak edo elektrikoak izanik. Gutxiago kutsatzen duen teknologia edukita, ibilgailu hauek urtean 230 tona CO2 gutxiago igortzen dute eguratsera, Donostiako herritarren bizi kalitatea hobetuta.  Ildo horretan, azken bi urteetan, Dbusek beren autobusen %24 berritu ditu, eta ibilgailuen batez besteko adina 6,4 urtekoa da.  

MAN markako 12 metroko 12 autobus hibrido berri gehitu ditu Dbusek bere flotan. Horietako sei martxan daude dagoeneko Donostiako autobus lineetan, eta beste sei prestatzen ari dira, datozen asteetan zerbitzuan jartzeko asmoz.

MAN LION’S CITY (12 C) EURO 6d modeloko ibilgailu hibrido bat da, DGTren Eco etiketa daukana, Dbusen neurrira egin da, bere bidaiariek egun dituzten premietara egokituz, eta Dbuseko flotaren ohiko prestazio guztiak ditu.  Modeloak diseinu berria dauka barrualdean zein kanpoaldean, eta optimizatu egin da pisuari eta prestazioei dagokionez. Motorizazio berria dauka, zeinarekin kontsumoa eta kutsatzaileen igorpena murriztu baitaitezke, aurreko belaunaldiko ibilgailuekin alderatuta. Era berean, autobus modelo berria material konposatuekin fabrikatuta dago; beraz, autobusaren bizitza baliagarriaren amaieran bere birziklapen tasa handiagoa izango da.

Autobus berri hauekin, Dbusek bere flota apurka-apurka berritzen jarraitzen du, Donostiako Udaleko Mugikortasun eta Garraioko zinegotzi Pilar Aranak azaldu duenez:  “Autobusak erosten eta ordezten jarraitzen dugu Donostian, eta une honetan Dbuseko flotan 12 autobus berri gehitu dira. Autobus berriak hibridoak dira, eta, gainera, modernoagoak direnez lehengo autobusek ez dituzten erosotasunak dituzte. Horiei esker Dbusen autobusak iraunkorragoak dira, eta ingurumenarekin errespetutsuagoak”.

Gaur egun Dbusen flotaren %57 12 metroko ibilgailu hibridoak edo elektrikoak dira, flota modernoa, erosoa, iraunkorra eta segurua eskaintzeko, kalitate estandarrik handienak eta egungo baldintzetan beharrezkoak diren neurri guztiak betez.  

Hobekuntzak irisgarritasunean

Modelo berriak hobekuntza garrantzitsuak ditu irisgarritasunari dagokionez.

– Autobuseko barra guztiek dute geldialdia eskatzeko sakagailua, erabiltzaileek sakagailua eskuragarriago eduki dezaten. Sakagailu horiek braillez ere errotulatuta daude. Era berean, barren profila ergonomikoagoa da.

Mugikortasun urriko pertsonentzako eserleku guztiak (eserleku berdeak) autobusaren martxaren noranzkoan kokatuta daude. Era berean, ibilgailuaren eserleku modelo berria ergonomikoagoa da.

Leku gehiago erdiko aldean haur aulkietarako eta gurpildun aulkietarako, eta erdiko alde horretara sartzeko lekua zabalagoa da, eta oztoporik gabea, maniobrak errazago egiteko.  

– Lehenengo aldiz, autobusak kartel espezifikoak eta desberdinak edukiko ditu geldialdia eskatzeko eta arrapala eskatzeko, autobuseko puntu guztietatik gehiago ikusteko moduan. 

Argitasun handiagoa ibilgailuaren barrualdean, zeharkako argiaren bitartez.

Ikusgarriagoak dira linearen eta helmugaren gaineko informazioa emateko autobusak kanpoaldean dituen kartelak.

Autobusek, halaber, DTKren eskakizun guztiak bete dituzte irisgarritasun, erosotasun eta segurtasunari dagokienez, eta %100 irisgarriak dira, zoru baxua eta sartzeko arrapala baitituzte bi aulki gurpildunetarako lekura iristeko.  

2014az geroztik Dbusen sartu diren autobusak bezala, ibilgailu berriek USB kargarako bi puntu dituzte, bidaian zehar gailu elektronikoak doan kargatu ahal izateko. 

Ingurumeneko kalitate handiagoa

 Autobus modelo berriak kontsumoak eta igorpenak murriztea ahalbidetzen du, frenatzearen energia berreskuratzeko sistema bat eta Start&Stop sistema erabiliz, horiengatik baita ibilgailu hibridoa. Horrez gain, autobus modelo honek mantentze lanen denborak optimizatzea eta mantentze lanen kostuak murriztea ere ahalbidetzen du, modelo berberaren aurreko belaunaldiarekin alderatuta.

12 autobus horiek zerbitzuan jarritan, Dbusek ingurumenaren aldetik flotarik iraunkorrenetako bat dauka, 53 autobus edo flota osoaren %42 hibridoak edo elektrikoak izanik. Gutxiago kutsatzen duen teknologia edukita, ibilgailu hauek urtean 230 tona CO2 gutxiago igortzen dute eguratsera, Donostiako herritarren bizi kalitatea hobetuta.  Ildo horretan, azken bi urteetan, Dbusek beren autobusen %24 berritu ditu, eta ibilgailuen batez besteko adina 6,4 urtekoa da.  

 

Irakurri

Kudeaketa Aurreratuaren Europako Astearen barruan, Erabiltzaileen Arretarako Zerbitzua eta berdintasuna Kudeatzen duen esperientzia aurkeztu du Dbus-ek

Kudeaketa Aurreratuaren Europako Astearen barruan, zeina eremu horretako jardunbide egokiak trukatzeko egiten baita, Dbusek enpresaren politikarako funtsezkoak diren bi arloren kudeaketan duen esperientzia aurkeztu du. Erabiltzaileen Arretarako Zerbitzua eta Konpainiaren barruko Berdintasunaren Kudeaketa izan dira bi arlo horiek, eta arlo horietako esperientziak aurkezteko bi jardunaldi egin dira, bata Donostiako Udalak antolatuta eta bestea Emakundek eta EUSKALITek elkarrekin antolatuta.

2007az geroztik Dbusen ezarrita dagoen kalitate sistemaren kudeaketa

Jardunbide egokiak partekatzeko eta erakundean bertan prozedura berriak ezartzeko modua aztertzeko, Donostiako Udalak jardunaldi bat antolatu du batik bat kalitatearen inguruan, eta jardunaldi horretan 2007az geroztik konpainian ezarrita dagoen zerbitzuaren kalitatea kudeatzeko duen sistema aurkeztu du Dbusek.

Udalaren sail eta enpresa batzuen ordezkariek hartu dute parte jardunaldian. Igor Gonzalezek, Dbuseko zuzendari gerenteak, Dbusen estrategiaren berri eman du eta, zehazkiago, Erabiltzaileen Arretarako eta Konpainian erregistratzen diren kexa eta erreklamazioen kudeaketarako sistemaren funtzionamendua aurkeztu du. Sistemak ahalbidetzen du erabiltzaileek hainbat kanalen bitartez jasotako interakzio guztiak modu transbertsalean kudeatzea eta haien jarraipena egitea, egoera bakoitzerako egokia den erantzuna emateko. Sistemak ondo funtzionatzen duen adierazle bat da 2019an batez besteko erantzun denbora 1,30 egunekoa izan zela, eta arauaren arabera gehienez 20 egunekoa da.

Dbus enpresa aintzindaria da Bidaiarien Garraio Publikoaren gaineko UNE-EN 13816 arauak xedatutako kalitate irizpideak lehentasun gisa ezartzen, bai eta AENORen egiaztagiria lortu duen lehen garraio enpresa ere Euskal Herrian. Arauak kalitatea azpimarratzen du bereziki, Dbuseko zerbitzuen erabiltzaileen premien eta itxaropenen ikuspegitik, bere langileen eguneroko lanari esker. Era berean, COVID-19ari aurre egiteko moduagatik AENORek emandako ziurtagiria dauka eta Energia Kudeatzeko Sistemaren gaineko UNE-EN ISO 50001 arauaren arabera ziurtagiria eskuratzeko lanean ari da.

Konpainiaren barruko berdintasunaren kudeaketa

Dbuseko Giza Baliabideen eta Konpainiaren Berdintasun Planaren arduradun Nerea Diezek, berriz, “Emakumea zara? Primeran!” izeneko kanpaina aurkeztu du Emakunde-Emakumearen Euskal Erakundeak eta EUSKALITek elkarrekin antolatutako jardunaldi batean. Dbusek aurten abiarazitako kanpainetako bat da, eta gidari postuetan emakumeen presentzia sustatzea du helburu. Jardunaldian ezagutzera emateko Emakundek aurten aukeratu dituen bi kanpaina erreferenteetako bat da kanpaina hori.  

Pasa den otsailean, Dbuseko gidarien lan poltsa berriari lotuta, Dbusek informazio kanpaina bat abiarazi zuen prozesuan aurkezteko interesa eduki zezaketen emakumeeizuzenduta, prozesura parte hartzera bultzatuta. Kanpainaren lelo nagusiak emakumeei eta gidaritzari lotutako gaztelaniazko estereotipo tradizional batekin zerikusi zuzena zuen (“Mujer tenías que ser”); emakume izatearen ideiari buelta ematen zitzaion eta zerbait on eta beharrezko bihurtzen zen.  “Emakumea zara? Primeran!”. Kanpainaren asmoa zen emakumeei eta gizonei ere ikusaraztea autobus gidatzeak ez duela batere zerikusirik emakume edo gizon izatearekin eta autobusak gidatzea gizonen gaitasuna edo trebetasuna deneko aurreiritzia haustea.

Era berean, kanpainak bigarren helburu bat zuen epe ertain-luzera, hautagaitzak aurkezteko epeetatik haratago, 2-3 astekoak baitziren. Bigarren helburu hori zen oraindik autobusak gidatzeko baimena edo deialdian parte hartzeko beharrezkoak diren beste baldintza batzuk ez zituzten emakumeei plantearaztea gidari postua inoiz pentsatu ez duten lan irteera izan zitekeela beraientzat, eta hurrengo deialdietarako prestatu zitezkeela. 

 

 

Irakurri