Category : Jarduerak

Dbus-ek bat egiten du Emakumeen Nazioarteko Egunarekin

Cartel_2018Bihar, martxoak 8, Emakumeen Nazioarteko Eguna ospatuko da eta Dbusek, egunarekin bat egiten duela adierazteko, egunaren kartela jarriko du Donostiako autobusetan. 

Ildo horretan, Dbusek Emakunderen aitortza jaso du Emakumeen eta Gizonen arteko Berdintasunaren aldeko Erakunde Laguntzailearen bereizgarria jasoz, emakumeen eta gizonen arteko berdintasunean aurrera egiteko hartu duen konpromisoa eta egin duen lanagatik eta eremu soziolaboralean ekimen berriak bultzatzeagatik.

2018/03/08ko zerbitzuei buruzko informazioa

Irakurri

“Dbus eta Gabonak”, 11. haurrentzako marrazki lehiaketaren sari banaketa

2A_TELMO_ZULUETA_MOZOHamaikagarren urtez jarraian, Dbus eta San Martingo Azokak, FNAC-en partehartzearekin, “Dbus eta Gabonak” Haurrentzako Marrazki Lehiaketa antolatu dute. Edizio honetako partehartzea paregabea izan da, 1 eta 12 urte arteko 1.400 haur baino gehiagoren marrazkiak jaso baitira.

Gaur, 2017ko abenduaren 16an, San Martin Merkatuko FNACen sari banaketa burutu da.

A mailako irabazleak (8 urte bitarteko haurrak) ondorengoak izan dira:

  • 1. Saria: Izaro Etxegoien, 8 urtekoa, Uzturre Ikastola (ikusi argazki atxikitua). Dbus-eko autobusak 2018an 6 hilabetetan erabiltzeko txartel pertsonal transferiezin mugagabea + Samsung Galaxy Tableta.
  • 2. Saria: Telmo Zulueta, 8 urtekoa, Summa Aldapeta Ikastetxea (ikusi argazki atxikitua). Dbus-eko autobusak 2018an 3 hilabetetan erabiltzeko txartel pertsonal transferiezin mugagabea + Argazki kamera.
  • 3. Saria: Alba Urtasun, 7 urtekoa, Summa Aldapeta Ikastetxea (ikusi argazki atxikitua). Dbus-eko autobusak 2018an 3 hilabetetan erabiltzeko txartel pertsonal transferiezin mugagabea + Liburu sorta eta idazketarako sorta.  

B mailako irabazleak (9 urtetik 12 urte bitarte) ondorengoak izan dira:

  • 1º Saria: Andrea Alkorta, 11 urtekoa, Taller Mihise (ikusi argazki atxikitua). Dbus-eko autobusak 2018an 6 hilabetetan erabiltzeko txartel pertsonal transferiezin mugagabea + Samsung Galaxy Tableta.
  • 2. Saria: Natalia Herrero, 10 urtekoa, The English School (ikusi argazki atxikitua). Dbus-eko autobusak 2018an 3 hilabetetan erabiltzeko txartel pertsonal transferiezin mugagabea + Argazki kamera.
  • 3º Saria: Miren Arraiza, 9 urtekoa, Jaso Ikastola (ikusi argazki atxikitua). Dbus-eko autobusak 2018an 3 hilabetetan erabiltzeko txartel pertsonal transferiezin mugagabea + Liburu sorta eta idazketarako sorta.  

11. Marrazki Lehiaketa honetako gainontzeko finalistek ere sariak jaso dituzte, parte-hartu izana bermatzen duen diploma, Dbusen txartel-zorroa eta Konpainiako autobusetako baten maketa hain zuzen. Gainontzeko finalistak ondorengoak izan dira. 

– A Maila:

– B Maila:

Marrazki finalistak abenduan zehar DVBUSen agertuko dira eta aldi berean DBUS eta San Martin Merkatuko web orrian argitaratuko dira.

Dbusetik haurrek marrazkiak egiterakoan jarritako ilusioa eta sormena eskertu nahi dugu, bai eta guraso eta eskolen partehartzea ere.

 Marrazken erakusketa

Donostia Kulturaren kolaborazioa dela eta, aurre-aukeratutako 200 marrazkiak ikusgai egongo dira abenduaren 19tik urtarrilaren 21era arte, Aiete Kultur Etxean (Aiete pasealekua 63).

 LEKUA: AIETE KULTUR ETXEA

DATAK: Abenduaren 19tik urtarrilaren 21era arte

ORDUTEGIA:
Asteartetik igandera: 10:00etatik 14:00etara
Larunbatak 23 eta 30: 10:00etatik 14:00etara eta 16:30etik 20:00etara
(Itxita: abenduak 25; urtarrilak 1 eta 6)

Irakurri

Dbus-ek eta Club de Creativos-ek sormen lehiaketa bat antolatu dute “c de c” publizitate kongresuaren barruan

CARTEL-2_eu2018ko apirilaren 12tik 14ra bitartean sormenari buruzko “c de c 2018” urteko kongresua egingo da Donostian, eta kongresu horren barruan Dbusek eta Club de Creativos erakundeak sormen lehiaketa bat abiarazi dute autobusa publizitaterako euskarri gisa erabiltzea sustatzeko eta sektoreko ikasle eta profesionalen artean sormena bultzatzeko. Horretarako, publizitate diseinu bat landu beharko dute Dbuseko autobus baterako

Club de Creativos da publizitateko profesionalak, ikasleak eta iragarleak elkartzen dituen erakundea, sektoreko talentua hobetu eta batzeko asmoarekin. Urtero “c de c” kongresua antolatzen du, eta gaur egun estatu mailan sormenaren alorrean dagoen hitzordu nagusia da, Komunikazioaren industriako 1.800 profesional inguruk parte hartzen baitute.  Kongresu honen barruan ematen dira Sormenaren Sari Nazionalak. 

2018ko edizioan autobusetarako publizitate diseinurik hoberena ere sarituko da. Saria Dbusek eta Club de Creativosek antolatu dute, Promediosen babesarekin, berak kudeatzen baitu Donostiako markesina eta autobusetako publizitatea. Asmoa da sormena sustatzea, baita autobusa publizitaterako euskarri gisa erabiltzea ere, inpaktu bisual handia eta ezaugarri bereziak dituelako.

Kategoriak 

Lehiaketa diseinuaren, komunikazioaren, publizitatearen eta marketinaren munduko pertsonentzat da, eta 2 kategoria edukiko ditu. Banaka zein taldeka parte hartu ahal izango da bertan: 

– PROFESIONALEN kategoria: marketin, publizitate eta diseinuaren sektoreko profesionalak. 

– IKASLEEN kategoria: diseinuarekin eta sormenarekin lotura duten ikasketak egiten ari diren ikasleak.  

Izena ematea eta lanak entregatzea 

2017ko azaroaren 21etik abenduaren 1era arte emango dira izenak, Club de Creativos erakundearen webgunean (www.clubdecreativos.com). 

– Lanak entregatu, berriz, 2017ko abenduaren 4tik 2018ko urtarrilaren 30era bitartean entregatuko dira, Dbusen bulegoetan, posta bidez edo bertara joanda (Dbus, Fernando Sasiain kalea, 7. 20015, San Sebastián). 

 Lanen aukeraketa 

– 1.Fasea: Sormenaren 2018ko Sari Nazionalaren epaimahaiak finaleko 10 lanak aukeratuko ditu bere botoen bitartez, eta martxoaren 7an jakinaraziko dira lan horiek. 

– 2.Fasea: ondoren, lehiaketaren antolatzaileek izendatutako epaimahaiak kategoria bakoitzeko lan irabazleak aukeratuko ditu. 

– 3.Fasea: “c de c” sortzaileen kongresuak irauten duen bitartean (2018ko apirilaren 12tik 14ra) kategoria bakoitzean irabazi duten lanak ikusgai egongo dira Dbuseko autobus bitan; izan ere, diseinu irabazleak errotulatu egingo dira autobus bi horietan.   

 Sariak 

Kategoria bakoitzeko sari bat egongo da, eta sariak Sortzaileen Kongresuaren azken egunean entregatuko dira, Donostiako Kursaal Jauregian: 

– PROFESIONALEN kategoria: 1.500€ eta beren lana Dbuseko autobus batean 2 hilabetez erakusgai jartzeko aukera. 

– IKASLEEN kategoria: 1.000€ eta beren lana Dbuseko autobus batean 2 hilabetez erakusgai jartzeko aukera.

 Oinarriak 

Lehiaketaren oinarriak Dbusen webgunean  (www.dbus.eus) eta Club de Creativos erakundearen webgunean (www.clubdecreativos.com) daude eskuragarri.

Oinarriak ikusi (pdf)

Briefing 

Briefing ikusi (pdf)

Irakurri

“Dbus eta Gabonak” haurrentzako XI. marrazki lehiaketa

Dbusek eta San Martin azokak “Dbus eta Gabonak” 2017 marrazki lehiaketa antolatu dute neska-mutikoentzat.captura_cartel_gabonak2017

Neska-mutikoen sormena sustatzeaz gain, lehiaketaren asmoa da Donostian garraio publikoa erabiltzeak duen garrantziaz ohartaraztea, Donostiako hiri guneen eta donostiarren bizi kalitatearen iraunkortasuna bermatzeko balio baitu. Gabonetan, zehazki, garraio publikoaren erabilera funtsezkoa da mugikortasuna efizientea izatea bermatzeko.

LEHIAKETAREN OINARRIAK

13 urtetik beherako neska-mutiko guztiek parte hartu dezakete lehiaketan. Nahi duten marrazkia egin beharko dute, baina beharrezkoa izango da marrazkiak Gabonei buruzko ideiaren bat edukitzea eta autobusarekin erlazionatuta egotea.

Marrazkiak Fnac-eko mostradorean entregatuko dira (San Martin azoka) edo Dbuseko bulegoetan (Fernando Sasiain, 7), eta atzealdean parte hartzailearen datuak jarriko dira: 

  • Izen-abizenak
  • Adina
  • Jaiotze data
  • Helbidea
  • Telefonoa eta harremanetarako posta elektronikoa
  • Ikastetxea
  • Baimendutako tutorearen izenpea

 

Ezinbestekoa da datu pertsonal guztiak adieraztea. Bestela, marrazkia lehiaketatik baztertuta geratuko da. Derrigorrezkoa izango da, halaber, formularioa betetzea parte hartzailearen legezko tutoreen baimenarekin. Formularioa gure webgunean dago eskuragarri (Deskargatu).

 Bi kategoria egongo dira:  

  • A Kategoria: 8 urte artekoa, hau da, 2009an edo geroago jaiotako haurrentzat.
  • B Kategoria: 9 eta 12 urte artekoa; hau da, 2005ean, 2006an, 2007an edo 2008an jaiotako haurrek parte hartu ahal izango dute.

Marrazkiak jasotzeko azken eguna 2017ko azaroaren 17a izango da. 

 

SARIAK

Epaimahaiak, Dbusek izendatuko baita, kategoria bakoitzeko marrazki irabazleak hautatuko ditu. 

  • Lehen saria: Txartel pertsonal eta eskualdaezina, Dbuseko autobusetan nahi beste erabiltzeko, 2018ko 6 hilabetetan + Samsung Galaxy Tableta. 
  • Bigarren saria: Txartel pertsonal eta eskualdaezina, Dbuseko autobusetan nahi beste erabiltzeko, 2018ko 3 hilabetetan + Argazki kamera. 
  • Hirugarren saria: Txartel pertsonal eta eskualdaezina, Dbuseko autobusetan nahi beste erabiltzeko, 2018ko 3 hilabetetan + Liburu sorta eta idazketarako sorta.   
  • Gainerako finalistek (4. postutik 10.era) Diploma bana jasoko dute.

 

Dbusek marrazkiak zabaltzeko, jendearen aurrean erakusteko eta erreproduzitzeko eskubidea dauka, baina marrazkien jabeek, beren lanen jabeak direla aitortzen baitzaie, ez dute horregatik dirurik eskuratzeko eskubiderik edukiko. Dbusen marketin kanpainetarako erabili ahal izango dira marrazkiak.

Lehiaketarako izena ematean parte hartzaileek ematen dituzten datuak Dbusen jabegokoa den fitxategi batean sartuko dira beraien tratamendurako, eta lehiaketan parte hartzea kudeatzeko erabiliko dira. Dbusen Pribatutasun Politikari buruz edota interesdunak honi lotuta dituen eskubideen erabileraz gehiago jakiteko, begiratu www.dbus.eus web orrian.”

Finalera heltzen diren marrazkiak Dvbusen erakutsiko dira abenduan zehar eta Dbusen eta San Martin azokaren webguneetan argitaratuko dira. Marrazkiak, halaber, erakusketa egiteko prestatutako leku publikoetan jarri ahal izango dira ikusgai.  Erakusketa amaitu ondoren, marrazkiak gorde egingo dira zaintzapean, hilabete bateko epean.

Sariak banatzeko ekitaldia abenduaren 16an izango da, larunbatean, 12:00etan, San Martin azokan, Fnac-en Forumean.

Irakurri

80 bat istorio “Pertsonak eramaten dituzten pertsonak” izeneko kanpainan

“Pertsonak eramaten dituzten pertsonak” izeneko kanpainan gidarien eta erabiltzaileen 80 bat Dbus istorio bildu ditu Dbusek. Kanpaina ekainaren erdialdean jarri zen martxan, enpresako enplegatuen lana balioesteko eta donostiarrei gidarien irudi gizatiarragoa helarazteko. 

Kanpainan Dbuseko gidari askoren istorioak bildu ziren eta hainbat euskarritan jarri ziren ikusgai, hala nola markesinetan. Era berean, web berezi bat sortu zen (www.dbusistorioak.eus), eta erabiltzaileek beren bizipen propioak argitaratu dituzte webgune horretan. 

Asmoa zen Dbuseko langileek eta erabiltzaileek kontatutako istorioak biltzea eta istorio horiekin osatzea Donostian autobusean bidaiatzen duten pertsona horien guztien historia, izan ere, pertsona horiek ahalbidetu dute 130 urte igaro ondoren Dbusek gure hiriko erreferente izaten jarraitzea.

 

Aukeratutako istorioak 

Erabiltzaileek proposatutako istorio guztien artetik 5 aukeratu dira, eta Diego Besne ilustratzaile donostiarrak irudia jarri die 5 istorio horiei. Dbuseko geltokietako markesinetan daude jada ikusgai istorio horiek, beren irudiekin batera. Era berean, irailaren 20, 21 eta 22an ”perching” bat egingo da istorio horiekin, Donostiako autobusetan. Istorio irudidunak autobusen barruan jarriko dira, barruko barretatik zintzilik, eta horrela erabiltzaileek Dbus istorio gehiago ezagutu ahal izango dituzte. 

Bost istorio irabazleek, halaber, Dbusen hiru hilabetean doan bidaiatzeko baimen bana eskuratuko dute, bai eta bere istorio irudiduna marko batean jarrita ere. 

 

Hauek dira aukeratutako 5 istorioak: 

Poltsak konfundituta (Ainara, 41 urte, kultur ekintzailea)

Beti 4ko eserlekuetan esertzen naiz, gidariaren aldera begira; mania hori daukat. Eserleku horiek gustuko ditut, trasteak uzteko lekua dagoelako eta jendearekin interakzioan egon zaitezkeelako. Euria zen eta eserita geuden guztiok aterkinak eta poltsak lurrean utzita genituen.   poltsak

Autobusetik irtetean, nire aurrean eserita zihoan neskak nire erosketa poltsa hartu zuen eta nik harena, biok konfundituta. Erosketak denda berean egin genituen, hori kasualidadea. Ez genekien nola aurkitu elkar, eta biek ideia bera eduki genuen: hurrengo astean biak autobusean gora eta behera ibili ginen, poltsarekin, berriro topo egin arte. 

Jakin nuen berak ere gustuko zuela eserleku horietan bidaiatzea, baina autobusaren atzealdera begira eserita. Bakoitza bere maniekin, baina denak ez gara hain desberdin!

 

 

 

 

Piper egiteak merezi izan zuen (Ane, 20 urte, ikaslea)

Astearte euritsua zen eta 8etan klasea nuen. Presa nuepipern, baina denbora nahikoa 17a hartuz gero. Bost minutu falta ziren autobusa etortzeko. Autobusa zetorren eta ahots lodi batek nora nihoan galdetu zidan. Goizeko zortziak hamar gutxiago ziren, eta hotz erantzun nion. 

– Klasera.

– Zurekin joan naiteke? Ez daukat presarik, euria da eta interesgarria iruditzen zait zure aurikularretatik ateratzen den reggaea.

– Bai horixe.

Mikel deitzen zela esan zidan. Hiru geltoki igaro ziren berak hitzik esan gabe eta, jakina, nik ere ezer esan gabe. Nire geltokira hurbiltzen ari ginen; jada ez zitzaidan hainbeste inporta unibertsitatera joatea. “Pentsatu azkar, pentsatu” Eta pentsatu egin nuen.  Paper bat atera nuen eta hau idatzi nuen: “asteartea eta osteguna: ordu berean eta autobus berean”. Osteguna heldu zen, presa txikiagoa, reggae gehiago eta eguzki galda.

– Hartuko dugu 33a Miramarreraino?

– Musika saioa kontxa parean goizeko 8;30ean? Erosi egiten dut.

Eta gaur arte!.

 

Irakurtzeko uneak  (Iker Izal)irakurtzeko

Maitasun handiz gogoratzen ditut Bentaberrin EHUn ikasten ari nintzeneko urteak, egunero autobusa hartzen bainuen hara iristeko. 

Grosen bizi nintzen eta etxetik unibertsitatera 15 bat minutu nituen autobusean. Eguneko unerik gogokoenetako bat zen. Egunean zehar, minutu horiek baino ez nituen plazerez irakurtzeko, errealitatetik ihes egiteko eta gozatzeko unea zen niretzat. 

15 minutu joateko eta beste 15 bueltatzeko. Gehien irakurri dudan eta irakurketaz gehien gozatu dudan garaia nire bizitzan. 

 

 

 

Paseoak Kontxatik (Leticia, 65 urte, erretiratua)

Ia asteburu guztietan bisitatzen dut Antiguan dudan familia. Hau da nire ohiko errutina: esnatu, kafea hartu, jantzi, egunkaria erosi estankuan, eta autobus geltokira hurbildu.paseoak

 Antiguarako bidean, autobusean egunkaria irakurtzen joatea da nire unerik gogokoenetako bat. Sekulako plazera da niretzat Kontxa gurutzatzea autobusean, irakurtzen, eguraldi ona izan zein ez. Eta zer diozu udako hondartza egunez?   

Bidaiaz gozatu eta gainera eguna hondartzan igaro, zer gehiago eskatu daiteke? 

 

 

 

 

 

Nola aldatu garen (Jose Angel, 49 urte, arreta zuzena dibertsitate funtzional intelektuala duten pertsonei)aldatu

130 urte. Laster 50 urte beteko ditudala-eta atzera begira jartzen naiz, eta gogorapen eta sentimenduak etortzen zaizkit gure garraio publiko maitatuaren inguruan; ez dakit oroipenak edo irudipenak diren, baina, edozer gauza izanda ere, halako nostalgia bat baino ezin dut sentitu igarotako denboragatik, batek baino gehiagok esango lukeen moduan. 

Autobusetan hazi gara; hasieran, korrika kobratzailearen lekuan esertzeko, printze bat zaldi gainean bezala; gero, OHO egin genuen, egunero atzeko aldean bidaiatuta, atzeko barra hari helduta, bizitzari begira kristaletatik, edo atzeko atearen zuloan eserita; zenbat maite genuen leku hura! Eta orain, egungo autobusak ikusten ditudanean, zera pentsatzen dut: zenbat aldatu garen! Eta zein bidaia ederra bizitzarena! 

Irakurri

Dbus, pertsonak eramaten dituzten pertsonak

Nagore_eusk_peq“Pertsonak eramaten dituzten pertsonak” da Dbusek enpresako enplegatuen lana balioesteko eta donostiarrei gidarien irudi gizatiarragoa helarazteko abiarazi duen kanpainaren leitmotiv-a.

Kanpainak Dbuseko gidari askoren istorioak biltzen ditu; gidarien kontakizun laburrak dira, euren eguneroko lanaren gainean ez dakizkigun gauzak eta haien kezkak eta bizipenak azaltzen. Ekimen honen helburua da donostiarrek pixka bat gehiago ezagutu eta ulertu ahal izatea gidariek, pertsonak garraiatzen dituzten pertsona horiek, egunero egiten duten lana eta egunero bizi dituzten egoerak. 

Markesinetan, autobus batzuen kanpoaldean eta ibilgailuen barruko pantailetan dago kanpaina. Sare sozialetarako bideo labur batzuk ere sortu dira, non autobus gidariek egunero Dbusen egiten duten lanaren gainean hitz egiten baitute. Bideoak Dbusen Youtubeko kanalean daude ikusgai.

Euskarri horietako bakoitzerako istorio desberdinak aukeratu dira. Denak benetakoak dira eta denetan Konpainiako gidariak dira protagonista. Gainera, gidariei keinu eginez, gaur autobusek Dbuseko gidari batzuen izenak eramango dituzte linearen izenaren kartelaren ondoan.

Partekatu zure istorioa www.dbusistoriak.eus webgunean

Imanol_eusk_1_peqEsperientzia horiek guztiak www.dbusistorioak.eus webgunean daude jasota, eta erabiltzaileek beren bizipenak ere argitaratu ditzakete bertan. Asmoa da Dbuseko langileek eta erabiltzaileek kontatutako istorioekin osatzea Donostian autobusean bidaiatzen duten pertsona guztien historia, izan ere, pertsona horiek ahalbidetu dute 130 urte igaro ondoren Dbusek gure hiriko erreferente izaten jarraitzea. Hori hala da erabiltzaile horiei guztiei esker, bai eta egunero Dbuseko autobusetan Donostia osoan dabiltzan gidari guztiei esker ere.

Autobus erabiltzaileek beren esperientziak idatzi ditzakete zuzenean webgunean; halere, datozen egunetan Dbuseko langileak ibiliko dira linea guztietan erabailtzaileei beren istorioak kontatzera animatzen.

Kanpainaren bukaeran, erabiltzaileek proposatutako istorio guztien artean 5 aukeratuko dira, eta irabazleek Dbusen hiru hilabetean doan bidaiatzeko txartel bat eskuratuko dute.

Azken finean, kanpainak autobusetan elkarbizitza hobetzea bilatzen du, gidarien lana ezagutaraziz eta erabiltzaileekiko puntu komunak bilatuz, bai eta garraio publikoaren erabilera bultzatzea, garraio bide iraunkor eta hurbila den heinean.

Bideoak ikusi

> Bea eta Jose-ren istorioa

> Sergio eta Imanol-en istorioa

Nagore eta Josetxo-ren istorioa

> Nerea eta Ramon-en istorioa

Irakurri

Dbus-eko langileek enpresaren 130. urteurrena ospatu dute jai familiar batekin

20170610_123949_webGaur, Konpainiako langileek eta beren senideek jai alaitsua egin dute Dbuseko Kotxetegian enpresaren 130. urteurrena dela eta. Lehen ordutik adin guztietarako jarduera asko eduki dituzte disfrutatzeko: puzgarriak, trikkeen zirkuitua (monopatinak), formula 1en simulagailuak, haurrentzako jolasak, Irrien Lagunak-en ikuskizuna…

Jaian, patata tortillen lehiaketa bat ere antolatu da. Lehiaketa oso animatuta egon da, eta Dbuseko langileek sukaldean dituzten abileziak proban jarri dira.  17 tortilla aurkeztu dira, eta epaimahaiaren lana ez da erraza izan. Epaimahaia langileen ordezkariek osatuta zegoen eta tortillen maila altua goraipatu dute.  

Era berean, jaian egon direnek Dbuseko autobus elektrikoetako bat ikusteko aukera eduki dute, ingurumeneko iraunkortasunarekiko konpromisoan erreferentea baita. Aukera ona izan da, beraz, eguna senideekin batera disfrutatzeko eta Donostiako garraio publikoa pixka bat gehiago ezagutzeko. 

 

Irakurri

Dbus eta Reala, batera #NikEreDbus kanpainan

Real 4Reala da Dbusek bere 130. urteurrena dela-eta abian jarri duen #NikEreDbus kanpainako bideo berriaren protagonista. Horrela, talde txuri-urdinak babesa erakutsi nahi izan dio Dbusi eta garraio publikoaren erabileraren alde dagoela agertu, Donostiako garraiobide iraunkor gisa.

Reala bideo bateko protagonista da, non Xabi Prieto eta Joseba Zaldua jokalariek Dbusen egiten zituzten bidaien gogorapenak elkarri kontatzen dizkioten. Bideoa Dbusen web orrian eta Youtubeko kanalean dago jada ikusgai.

Dbusek konpromiso leiala dauka Realarekin eta Realzaleekin. 15 urte baino gehiago dira Dbusek autobus zerbitzu bereziak eskaintzen dituela hiriko auzo guztietan, Anoetako partidetara joateko. Realzaleek beren taldea jokatzen ikustera joateko oso gustuko dituzten zerbitzuak dira, eta denboraldi honetan 100.000 bidaia inguru erregistratu dira.

Kanpainan lagunduta, Realak bat egiten du hiriko biztanle anonimoekin zein ezagunekin, hala nola La Oreja de Van Goheko kideekin edo Donostiarra traineruko kideekin, denak Dbusen 130. urteurreneko ospakizunetako partaide baitira. 

Bideoa ikusi

Irakurri

Perching ekintza berria Dbus-eko autobusetan

perching_tomateAurreko 2 ekintzen arrakastaren ondoren, martxoaren 21, 22 eta 23an tomate hazien poltsak zintzilikatuko dira autobus hibridoetako heldulekuetatik, Dbuseko erabiltzaileek hartzeko eta etxean landatzeko. 

Hirugarren “perching” ekintza hau Dbusen 130. urteurrena ospatzeko programazioaren zati da. Cristina Enea Fundazioarekin elkarlanean egin da, garraio publikoaren erabilera eta bizitzeko ohitura osasungarriak bultzatzeko asmoarekin. 

Guztira, sasoiko haziak dituzten 2.000 poltsa banatuko dira Dbusen flotako autobus hibridoetan, ingurumenarekin adeitsuagoa den teknologia baitute, bai eta hiriko hainbat zonaldetako lineetan ere.   

Oraingo honetan, “Loidi” tomate haziak banatuko dira. Tomate mota hori Getariakoa da, jatorriz, eta haziek ematen dituzten fruituak handiak, gorri biziak eta forma zapalekoak dira. Urrian ziazerben haziekin eta abenduan zerba haziekin gertatu zen moduan, haziak nekazaritza iraunkorretik datoz, eta hala direla egiaztatzen duten zigiluak dituzte. Era berean, hazi poltsa bakoitzarekin batera haziak nola erein jakiteko jarraibideak datoz. 

Udan Dbusek laugarren eta azken perching ekintza egingo du, sasoiko haziekin, aurreko 2 perching ekintzek harrera ona eduki ondoren eta bihar hasiko denaren ostean.

Dbuseko autobus berriek izena dute jada

Urgulleko sugandila,  hagina, martin arrantzalea eta Artikutzako desman iberiarra dira Dbuseko autobus lineetan martxan jarri berri diren SOLARIS markako Urbino Hybrid 12 lau autobus hibridoetarako Dbuseko erabiltzaileek aukeratu dituzten lau izenak. Dbusek “Eman izena zure autobusari” kanpaina antolatu zuen Cristina Enea Fundazioarekin batera, eta kanpaina horren barruan aukeratu dira izenak.oharra_01 

Hilabete batean, ehun bat erabiltzaileek bozkatu egin dute proposatutako 8  landare eta animalia autoktonoetako bat aukeratzeko, ingurumenarekiko errespetua eta bizi ohitura osasungarriak, hala nola garraio publikoaren erabilera, bultzatzea helburu zuen  kanpaina baten barruan. Horrela, autobus bakoitzak aukeratutako izena darama jada identifikatuta bere errotulazioan. 

Kanpainan, hiriko hainbat ikastetxek parte hartu dute, proposatutako espezieen gaineko material didaktikoa landuz. Materiala 6 eta 9 urte bitarteko haurrentzat da (Lehen hezkuntzako 1. Kurtsotik 4.era), eta Dbuseko webgunean eskuratu daiteke  (www.dbus.eus) ikastetxean edo etxean landu ahal izateko

 

Aukeratutako 4 espezieen ezaugarriak

hagina

 

Taxus baccata Hagina: Zuhaitz hostoiraunkorra da, ez da 20 metroko altuerara iristen, eta adaburu zabal eta trinkoa du. Enbor arre grisaxka labur, sendo eta bihurria du. Oso zuhaitz pozoitsua da, ehun guztietan taxina izeneko oso substantzia arriskutsua baitu. Elementu horretatik taxola ateratzen da, zeina tumoreen aurka erabili ohi den. 

Ariloa da taxinarik ez duen zati bakarra eta horrek espeziea sakabanatzea errazten du; hegaztiek, esaterako, digeritu egiten dute elikadura iturri gisa eta gero eskrezioarekin batera kanporatzen dute. Bere hostoak, orratz formakoak, berde ilunak dira eta kiribilduta daude. Fruituak gorri biziak dira eta globularrak, eta arilo izenez ezagutzen den zati deigarri bat dute, haziak biltzen

 

sugandilla

 

Podarcis hispanicus Urgulleko sugandila: sugandila iberiarra edo Urgulleko sugandila Penintsulako espezie endemikoa da eta Euskal Autonomia Erkidegoko zati handi batetik banatuta dago, Gipuzkoako kostaldean ohikoa izanik. Santa Klara irlan eta Urgull mendian sugandila hau kostaldeko gainerako populazioetatik aparte eboluzionatu da milaka urtetan zehar. Tamaina handiagoak izateraino hazi dira, gorputzean pigmentazio ilunagoa dute, eta ezkata batzuk larruan. Horregatik guztiagatik, Urgulleko sugandila berezitzat jotzen da, eta balio ekologiko garrantzitsua du.

 

 

martin

 

 

Alcedo atthis Martin arrantzalea: Martin arrantzalea, duela gutxira arte Penintsulako ia ibai eta hezegune guztietan egon da. Azken hamarkadetan ur geziek izan duten hondaketak gehien kaltetutako espezietako bat da. Lumadi ikusgarria du, eta azkar egiten du hegan. Ezponda hareatsuak behar ditu habia zulatzeko, bai eta arrain, uretako intsektu, larba eta anfibio ugari ere elikatzeko.

 

muturluzea

 

 

Galemys pyrenaicus Artikutzako muturluze iberiarra: ugaztun txiki bat da, 70 gramo eskasekoa. Satorren oso-oso antzekoa da; duela asko dietaz aldatzea erabaki zuen, eta lurreko zizareak uretako intsektuekin ordeztea. Mendietako ibaietako ur garbietan bizi da, eta han bilatzen du jana. Gauez ibiltzen da, azkarra da eta ez zaio gustatzen inork ikustea. Animalia berezia da, mutur luzea du, asko mugitzen den muturra, aho handia eta azazkal itzelak; esan genezake, “geure ornitorrinkoa” edo holako zerbait dela.