Category : Jarduerak

Naturaren egunean, Dbus haziak banatzen ari da autobusetan, “perching” ekintza berritzaile batekin

Naturaren Babesaren Munduko Eguna dela eta, Dbusek “perching” ekintza berritzaile bat jarri du martxan autobusetan, eta ekintza horren bitartez ziazerben haziak banatzen ari dira poltsetan, ingurumena errespetatzeak duen garrantziaz eta bizimodu osasuntsuak duen balioaz sentsibilizatzeko. Dbusek bere 130. urteurrena ospatzeko egin duen programazioko ekintzetako bat da, eta Cristina Enea Fundazioarekin elkarlanean garatu da.img_0923

Horrela, urriaren 18an, 19an eta 20an Dbuseko autobusak erabiltzen dituzten pertsonek bere hazi poltsa hartu ahal izango dute eta etxera eraman, bere hiri baratzean landatzeko. Aurreikusita dago 130. urteurrenean, urtaro aldaketa bakoitzean “perching” ekintza berri bat egitea sasoiko haziekin. Haziak nekazaritza ekologikokoak dira eta hori egiaztatzen duten ziurtagiriak dauzkate: Euskal Herriko eta Europako Ekoizpen Ekologiko zigilua eta Ehkolektiboa-Euskal Herriko biobaserritar agroekologiko kolektiboaren Zigilua. Hurrengo “perching” ekintza neguan izango da.

Oraingoan, autobusetako heldulekuetatik zintzilik jarri diren poltsak ziazerben haziak dira, eta 16 autobus hibridoetan banatu dira, autobus horien teknologia ingurumenarekin errespetutsuagoa baita. Hazi poltsa bakoitzarekin batera haziak nola landatu jakiteko jarraibideak datoz. Guztira 2.000 poltsa banatuko dira hiriko zonalde desberdinetako lineetan. Jarduera honetan etxean haziak landatuz parte hartzen duten pertsonek landareen eboluzioa ere partekatu ahal izango dute sare sozialen bidez #HiriBerdea hashtag erabiliz.

img_0889Ekintzarekin, Dbusek agerian jartzen du ekologiarekin eta iraunkortasunarekin duen konpromisoa. Dbuseko flota Euskadin dagoen flotarik ekologikoena da eta gutxien kutsatzen duena, eta elektromugikortasunaren erreferente nagusietako bat da Estatu mailan. 3 autobus %100 elektriko ditu eta 16 autobus hibrido. Datozen asteetan, aurreikusita dago beste 4 ibilgailu hibrido helduko direla, beraz, 2016a bukatu baino lehen 12 metroko flotaren %25 ibilgailu elektriko-hibridoz osatuta egongo da.

Beste datu garrantzitsu bat da 2016ko abuztura arte Estatuan saldutako autobus hibridoen zein elektrikoen %20 Dbuseko flotan zeudela. 

Irakurri

Haurrentzako X. Marrazki Lehiaketa, “Dbus eta Gabonak”

Dbusek eta San Martin Azokak 2016ko “Dbus eta Gabonak” haurren marrazketa lehiaketa antolatu dute. Oraingoa bederatzigarren edizioa da eta aurreko urteetan arrakasta handia izan du 13 urtetik beherako haurren artean.captura_gabonak_2016

Sormena bultzatzeaz gain, lehiaketarekin haurrei Donostian garraio publikoa erabiltzearen garrantzia transmititu nahi zaie, hiri-espazioen jasangarritasuna eta hiritarren bizi kalitatea bermatzeko. Izan ere, mugikortasuna hobetzeko garraio publikoaren erabilera ezinbestekoa izaten da Gabonetan.

LEHIAKETAREN OINARRIAK

Parte hartzailea 13 urtetik beherako edozein haur izan daiteke eta gai libreko marrazki bat egin beharko du. Baldintza bakarra Gabonen inguruko ideia bat azaltzea izango da, autobusarekin erlazionatuta. 

Marrazkiak FNACeko erakusmahaian utziko dira (San Martin Azoka) edo Dbusen (Fernando Sasiain 7 kalea), eta parte hartzailearen datuak idatzi beharko dira atzealdean: 

  • Izen abizenak
  • Adina
  • Jaiotze data
  • Helbidea
  • Harremanetarako telefonoa eta E-posta
  • Eskola
  • Arduradun legalaren sinadura

 

Ezinbestekoa izango da datu guztiak jartzea, eta marrazkiaren atzekaldean haurraren arduradun legalaren sinadura ere jartzea. Horretarako erabilgarri dagoen txantiloia erabiltzea gomendatzen da.

> Txantiloia deskargatu (pdf)

Bi maila egongo dira:   

  • A maila: 8 urte bitarteko haurrak, 2008. urtean edo ondoren jaioak.
  • B maila: 9 urtetik 12 urte bitarte. 2004, 2005, 2006 edo 2007. urtean jaiotakoek parte hartu dezakete.

 Marrazkiak jasotzeko data muga 2016ko azaroaren 19a izango da.

 SARIAK

Dbusek izendatutako epaimahaia izango da maila bakoitzeko irabazleak aukeratuko dituena.       

  • Lehen saria: 2017ko 6 hilabeteetan zehar Dbuseko autobusetan erabiltzeko txartel pertsonal besterezin mugagabea jasoko du + Nintendo DS bat.
  • Bigarren saria: 2017ko 3 hilabeteetan zehar Dbuseko autobusetan erabiltzeko txartel pertsonal besterezin mugagabea jasoko du + Argazki kamera bat.
  • Hirugarren saria: 2017ko 3 hilabeteetan zehar Dbuseko autobusetan erabiltzeko txartel pertsonal besterezin mugagabea jasoko du + Liburu sorta bat.
  • Gainontzeko finalistek (4 eta 10 postuen artekoek) Diploma bat jasoko dute.

 

Dbusek marrazkiak hedatu, publikoki erakutsi eta erreproduzitzeko eskubidea bere gain hartzen du, marrazkien egileek, euren lanaren autoretza onartzen zaielarik, inolako eskubiderik sortzen ez dutelarik. Marrazkiak Dbusen marketin kanpainetan erabiliak izan daitezke.

Lehiaketarako izena ematean parte hartzaileek ematen dituzten datuak DBUSen jabegokoa den fitxategi batean sartuko dira beraien tratamendurako, eta lehiaketan parte hartzea kudeatzeko erabiliko dira. DBUSen Pribatutasun Politikari buruz edota interesdunak honi lotuta dituen eskubideen erabileraz gehiago jakiteko, begiratu www.dbus.eus web orrian.

Marrazki finalistak DVbusen erakutsiak izango dira abenduan zehar eta Dbus eta San Martin Azokaren webguneetan azalduko dira. Halaber, marrazkiak horretarako egokitutako leku publikoetan erakutsi ahal izango dira.

Sarien banaketa ekitaldia abenduaren 17an, larunbata, goizeko 12:00etan egingo da San Martin Azokan, FNACen aretoan. 

Autobus Berdea haurrentzako tailerrerako izena emateko epea irekita

Dbusek, bere 130. urteurrenaren programazioaren barruan, materialak birziklatuz autobusen maketak egiteko familia tailer bat antolatu du: “Autobus Berdea”.

 autobus_berdea

Jarduera honen asmoa da haurrak ohartaraztea mugikortasun iraunkorrak eta autobusaren erabilerak duten garrantziaz, horretarako sormenaz baliatuz. Ontziak, poteak, kartoiak eta beste elementu batzuk erabiliko dira autobusak sortzeko, aldi berean mugikortasun iraunkorra eta naturaren zaintza lotzen lagunduta.

 Tailerra 5 eta 11 urte bitarteko haurrentzat da, eta haurrek heldu batek lagunduta parte hartu beharko dute. Donostia Kulturaren laguntza du eta Aiete Kultur Etxean egingo da, 2 saiotan. Tailerraren ondoren maketarik nabarmenenak aukeratuko dira, eta Kultur Etxean jarriko dira ikusgai.

 Jarduera dohainik da eta aurretik izena eman behar da (irailaren 19tik aurrera). Talde bakoitzean gehienez ere 50 pertsonak parte hartu ahal izango dute, eta plazak izena emateko hurrenkeraren arabera esleituko dira.

 

Tailerren egunak:

– 1.Taldea: urriak 22 eta 29

– 2.Taldea: azaroak 19 eta 26

 

Tailerren ordutegia:

16:30etik 18:30era gutxi gorabehera.

 

Parte hartzaileek eraman beharreko materiala:

Ontziak, poteak, kartoizko bilkariak, paperak…

 

 Aurretik izen ematea:

[email protected] (Aiete Kultur Etxeko Haurtxokoa)

943 000 200 (Dbusen Erabiltzaileen Arretarako zerbitzua)

 Era berean, aldian-aldian Dbusek beste jarduera batzuk antolatzen ditu txikienendako. Esaterako, Kotxetegiak bisitatzeko eskola irteerak antolatzen ditu autobus enpresa baten funtzionamendua barrutik ezagutzeko, edo Gabonetako haurrentzako lehiaketa modu atseginean eta sormenarekin autobusaren erabilera bultzatzeko.

Irakurri

Dbus-ek bat egingo du Mugikortasun Iraunkorrararen Europako Astearekin

Irailaren 16tik 22ra bitartean Mugikortasun Iraunkorraren Europako Astea ospatuko dela eta, Dbusek jarduera ugari antolatu ditu garraio publikoaren erabilera sustatzeko.  Zehazki, bi heziketa kanpaina jarri ditu abian; bat, erabiltzaileei zuzenduta, autobusetan belaunaldien arteko bizikidetza sustatzeko, eta bestea, adineko pertsonei zuzenduta, haien segurtasuna eta erosotasuna areagotzeko.

 Era berean, atal berri bat sortu da web orrian, irisgarritasunari buruzko informazioarekin.

 Neurri horiek guztiak Dbuseko zerbitzua hiritarrentzako garraio zerbitzu erosoago, seguruago eta irisgarriago egiteko dira, egunetik egunera zerbitzua hobetzeko konpromiso leiala hartuta. 

 

1. Dbuseko autobusetan bizikidetza bultzatzeko kanpaina:

cartel_begirunez_01Mugikortasunaren Astearen beste ardatz bat da autobusetan belaunaldien arteko bizikidetza hobetzeko Dbusek abiarazitako kanpaina. Kanpainak hiru irudi ditu. Irudiak sare sozialetan, markesinetan eta autobusen barruan zabaltzen ari dira, erabiltzaileak ohartarazteko garrantzitsua dela gainerako bidaiariekin errespetuz eta elkartasunez jokatzea. Dbusek bere 130. urteurrena dela-eta abian jarri duen Hiri Berdea kanpainaren pertsonaiak dira irudietako protagonistak.  

Adibide moduan, hiru ohiko kasu planteatzen ditu: eserlekua adineko pertsonei, mugikortasun urria dutenei edo haurdunei uztea, eta gurpildun aulkietarako gordetako lekua errespetatzea. Horrela, erabiltzaile guztiek eta gidariek esperientzia hobeak izatea espero da. 

 

2. Adineko pertsonentzako prestakuntza, autobusean bidaiatzeko moduaren gainean: 

Adinez nagusi diren pertsonak dira hiriko garraio publikoa erabiltzeko arazo gehien eduki dezaketenak. Kotxetegietan egingo diren prestakuntza eta informazio saioen bitartez, adineko pertsonek Dbuseko autobusetan mugitzen direnean erosotasun eta segurtasun handiago edukitzea bultzatu nahi da.

Horretarako, hainbat saio antolatu dira adineko pertsonentzat, auzoetako erretiratuen elkarteekin lankidetzan. Saioak Mugikortasunaren Astean hasiko dira. Hitzaldi horietan informazio praktikoa eskainiko zaie, jakin dezaten nola igo autobusera, zer egin ibilgailuaren barruan daudenean eta nola jaitsi autobusetik, istripuak ekiditeko. Saioak Askora Nagusi eta Zenta erakundeen laguntzarekin antolatu dira eta mugikortasun materiala utziko dute prestakuntza emateko.

 Saio hauetan parte hartzeko beharrezkoa da aldez aurretik izena ematea, auzoetako erretiratuen elkarteen bitartez. Auzoetan jasoko dira eta Kotxetegietara eramango dira, han emango baitzaie prestakuntza.

 Prestakuntza eta informazio ekintza hauek belaunaldien arteko elkarbizitza bultzatzeko kanpainarekin osatuko dira. Kanpaina hori ere Mugikortasunaren Astean jarriko da abian. Helburua da adineko pertsonek eroso eta seguru bidaiatzeko tresnak edukitzea, aldi berean gainerako pertsonek errespetuz eta elkartasunez jokatuta.   

 logo_askora_nagusi_2ZENTA_EUS

3. Irisgarritasunari buruzko atala web orrian

foto_6Dbusen web orriak (www.dbus.eusatal berri bat eskaintzen du (Autobus irisgarriakmugikortasun irisgarriari buruzko informazioarekin.

 Atal honetan biltzen dira pertsona guztiek Donostiako garraio publikoa oztoporik gabe erabili ahal ditzaten Dbusek eskura jartzen dituen bitarteko eta informazio sistema guztiak. 

Hauek dira edukietako batzuk:

 – Dbuseko flotaren irisgarritasunaren ezaugarriak: ibilgailu guztiak %100 irisgarri dira.

 – Arrapalaren erabilera: gurpildun aulkian doazenak eta mugitzeko arazoak dituzten pertsonak sartzeko.

 – Mugikortasun urria duten pertsonentzat erreserbatutako eserlekuak: berdeak dira eta pegatinekin identifikatuta daude.

sistema-invidentes – Erdiko gune erreserbatua: gurpildun aulkietarako eta haur kotxeetarako.

 – Balidatzeko makinak erdiko gunean: gurpildun aulkian doazenek eta haur kotxea daramatenek ordaintzeko.

 – Irudi bidezko informazio sistema:  autobusen barruko pantailek ibilbideez, hurrengo geltokiez, beste linea batzuekiko konexioez eta konexio horien iritsiera denborez informatzen dute.  

 – Audio bidezko informazio sistema: aginte baten bidez, itsuek edo ikusmen arazoak dituztenek soinu bidezko informazioa aktibatu dezakete, bai geltokietan iritsiera denborak ezagutzeko eta autobus bat heltzen denean jakiteko zer autobus den eta nora doan, bai ibilgailuaren barruan hurrengo geltokiaren abisua jasotzeko. Aginte horiek ONCEko bulegoetan eta Gipuzkoako Garraioko Lurralde Agintaritzan eskatu daitezke.

 – Ordainketa sistema hobaridunak: Mugi txartel hobariduna minusbaliotasunen bat duten pertsonentzat, eta bidaia doan itsuak edo gurpildun aulkian doazenak laguntzen beraiekin batera bidaiatzen duen pertsonarentzat.  

 

 

Irakurri

Donostiarra trainerua, #NikEreDbus kanpainarekin bat

Dbusek eta  Donostiarra traineruak indarrak batu ditzute #NikEreDbus kanpainan; izan ere, Dbusen 130. urteurrena dela-eta, Donostiako traineruko arraunlariek babesa erakutsi nahi izan diote Dbusi.donostiarra_foto

 Horrela, Kontxako banderako estropadetan bete-betean sartuta gaudela, Donostiarrako kideek bideo bat egin dute, beraiek protagonista izanda, Dbuseko autobusetan izandako bizipenak gogora ekarrita. Bideoa Dbusen web orrian eta Youtubeko kanalean dago ikusgai.

 Kanpainari babesa erakutsita, Donostiarrak bat egiten du hiriko biztanle ezezagun eta ezagunekin, hala nola La Oreja de Van Gogheko kideekin, eta, haiek bezala, Dbusen 130 urteak ospatzeko ekintzetan parte hartu eta garraio publikoaren erabilera bultzatzen dute Donostian, garraiobide iraunkor gisa.

 Hain zuzen, Estropada egunetan Dbuseko autobusek bidaiari ugari izan ohi dute, eta joera handituz doan azken urteotan.  Hori dela eta, autobus lineen zerbitzuak indartzen dira, ahalik eta zerbitzurik hoberena eskaintzeko eta hiritarrak Estropadak ikustera joateko autobusa erabiltzera animatu daitezen. Zehazki, Estropaden lehen igandean auzoetako zerbitzuak bikoiztu ziren, eta datorren igandean, irailak 11, berdin egingo da. Zehazki, bidaiarien kopurua %3,8 igo da 2015eko egun horretako bidaiariekin alderatuta. 

> Bideoa ikusi

Irakurri

Bisita gidatuak: ezagutu Dbus barrutik

Dbusen 130. urteurreneko ospakizunen programazioaren barruan hainbat bisita gidatu antolatu dira Kotxetegiak ikusteko eta Konpainiaren barruko funtzionamendua ezagutzeko. 

Bisitak doakoak izango dira, eta ezinbestekoa izango da aldez aurretik izena ematea, gutxienez 7 eguneko aurrerapenez ([email protected] / 943 000 200). Bisitak 11:00etan egingo dira, eta egun hauetan: 

– Irailak 24

– Urriak 22

– Azaroak 19

– Abenduak 17

– 2017an bisita gehiago egingo dira, eta horiek aurrerago iragarriko dira.

 

>Kontsultatu programa osoa (pdf)

Irakurri

La Oreja de Van Gogh-ek ere Dbusen bidaiatzen du

La Oreja de Van Gogh talde donostiarra da #NikEreDbus kanpainaren protagonista, non garraio publikoaren erabilera bultzatzen baitu Donostian, garraio iraunkor gisa. LOVG Foto

2016ko uztailetik 2017ko uztailera Dbusen 130. urteurrena ospatuko da eta bideoa da 130. urteurren horren programako atal bat. 

La Oreja de Van Gogh musika taldeak 28-Amara-Ospitaleak linea ezagutzera eman zuen mundu osoan, bere abesti batekin, “El 28” abestiarekin. Dbuseko ohiko erabiltzaileek ere parte hartzen dute kanpainan, gure autobuseten izan dituzten bizipen guztiak gogora ekarriz. 

Ez zaitez geratu bideoa ikusi gabe!

 

> Ikus bideoa (Yotube) 

> Kontsultatu programa osoa  (pdf)

Dbus-ek bere 130. urteurrena ospatuko du

2016ko uztailetik 2017ko uztailera bitartean Dbusek bere 130. urteurrena ospatuko du jarduera ugariekin. 130 urte horietan Konpainiak bilakaera etengabea izan du bai eskainitako zerbitzuei dagokienez, bai zerbitzuen kalitateari dagokionez. 

Donostian zerbitzua ematen hasi zenetik 130. urte bete dituela ospatuta, Dbusek azpimarratu nahi du hiriari egiten dion ekarpena, garraio hurbila, irisgarria eta ekologikoa den heinean, bere emaitza onengatik eta iraunkortasunarekin duen konpromisoagatik nazioartean aitortu zaionez.     

130. urteurren honen programaren asmoa da egunetik egunera Dbuseko autobusak gero eta pertsona gehiagorengana hurbiltzea. 3 bloke tematiko izango ditu: 130 urteko historia, Ezagutu Dbus eta Dbus Hiri Berdea.

Programan era guztietako jarduerak agertzen dira: Dbusen izandako bizipenen gaineko kontakizunen lehiaketa bat eta Kotxetegietara egindako bisitak; haurrek material birziklatuekin autobusen maketak egiteko tailerrak; sarreren zozketak; “perching” ekintzak haziekin autobusetan; Konpainiaren egunerokoen narrazioa edo konpainiako langileentzako eta beraien senideentzako jarduerak, garraio publikoa sustatzeko iragarkiez eta kanpainez gain.

Ekintza horietako bat da #NikEreDbus kanpaina. Donostiako jende ezaguna da kanpainaren protagonista, esaterako, La Oreja de Van Gogh taldeko kideak, bere “El 28” abestiarekin 28-Amara-Ospitaleak linea ospetsu egin zutenak. Dbuseko ohiko erabiltzaileek ere parte hartzen dute kanpainan, gure autobusetan izan dituzten bizipen guztiak gogora ekarriz.LOVG Foto

> Bideoa ikusi (YouTube) 

Jarduerak etengabe egingo dira, Konpainiak sortu zenetik 130 urte betetzen dituenean hasita, eta datorren urteko uztailaren 18an bukatuko dira, egun horretan Konpainiaren lehen linea abian jarri zenetik 130 urte beteko baitira. Konpainia 1886ko abuztuaren 28an sortu zen, baina Konpainiak bere historiako lehen ibilbidea hurrengo urteko uztailaren 18an egin zuen. Kontxatik, Plaza Zaharretik eta Ategorrietatik egin zuen ibilbide hura, zaldiz tiratutako tranbia batekin. 

Uztailaren 19tik aurrera, asteartea, egitarauaren laburpen bat banatuko da autobusetan, eta markesinetan eta autobusen errotuluetan ere jardueren berri emango da, bai eta ikastetxe, kultur zentro, udal bulego eta elkarteetan ere. Gainera, antolatzen diren ekintzen gaineko informazio guztia Dbusen web orrian egongo da eskuragarri eta atal berezi bat sortuko da ospakizunerako. Bertan egitarau osoa nahiz sortzen diren materialak eta bideoak jarriko dira.

 Jarduera horien antolaketarekin bat egin nahi izan dute Donostiako erakunde batzuek eta hiritarrek. Hemendik gure esker ona erakutsi nahi diegu urteurren honetan laguntzeagatik eta jarduerak egiten laguntzeagatik.

Programa osoa deskargatu (pdf)

Poltsikoko programa deskargatu (pdf)

 

EGITARAUA 

1. 130 urteko historia 

Jardueren lehen blokeak Konpainiaren 130 urteko historia du ardatz, izan ere, urte horietan guztietan milioika pertsonak bidaiatu dute Dbuseko autobusetan. Milaka oroitzapen, pasadizo eta istorio, donostiarrek eta inguruko bizilagunek gogoan dituztenak.

 

  • Konpainiaren 130 urteak oroitzeko bideoa, Dbuseko erabiltzaile donostiarren lekukotasunekin (Bideoa ikusi – YouTube)
  • “Dbuseko oroitzapenak” izeneko kontakizunen lehiaketa, idatzizko kontakizunen edo argazki deskribapenen lehiaketa bat, erabiltzaileek autobusean izan dituzten pasadizoak edo istorioak ezagutzera eman ditzaten. Lehiaketa helduentzat zein haurrentzat izango da, eta haurrek ikastetxeen bitartez parte hartuko dute.. 
  • Dbusi buruz argitalpen historikoak sare sozialetan.   

 

2. Ezagutu Dbus

Jardueren bigarren blokeak Dbusek urte hauetan izan duen bilakaerari erreparatzen dio, bereziki azken hamarkadakoari. 

  • Dbusen eta hiriaren historiari buruzko gymkhana,  Olatu Talka kultur jaialdiaren programazioaren barruan. Pasa den maiatzaren 20an izan zen ekitaldia. 
  • Kronika Instagramen Dbuseko egunerokoaren gainean. 
  • Dbuseko langileei egindako elkarrizketak, Konpainia osatzen duten departamentu guztien funtzionamendua erakusteko eta hiritarrek Konpainiako eguneroko lana hurbiletik ezagutzeko. Bideo horiek Dbusen Youtube kanalean egongo dira ikusgai eta Konpainiaren sare sozialen bitartez zabalduko dira. 
  • Bisita antolatuak Kotxetegietara adin guztietako pertsonekin, ikastetxeetako neska-mutikoek gaur egun egiten dituzten bisitez gain. 11:00etan egingo dira, eta beharrezkoa izango da gutxienez 7 eguneko aurrerapenez izena ematea ([email protected] / 943 000 200). Egunak:

– Irailak 24

– Urriak 22

– Azaroak 19

– Abenduak 17

– 2017an bisita gehiago egingo dira, eta horiek aurrerago iragarriko dira.

 

3. Dbus Hiri Berdea 

130. urteurreneko jarduera gehienen ardatz nagusia da Dbus Hiri Berdea, non Konpainiaren izaera iraunkorra azpimarratzen den. 

  • Dbus Hiri Berdea kanpaina, Dbuseko autobusek hiria garbiago egon dadin egiten dutenaren gainean. Kanpaina honetan hainbat ekintza egingo dira, eta ekintza horiek bultzatzeko hainbat euskarri erabiliko dira, esaterako markesinak, autobusetako errotuluak edo sare sozialak. 

Iragarkia, Dbusen izaera jasangarriari eta irisgarriari buruz. Bideoa jada ikusgai dago Dbusen Youtube kanalean (Bideoa ikusi – YouTube) 

Cristina Enea Fundazioarekin elkarlana, Dbuseko erabiltzaileak ingurumenaren begirune eta zaintzarekiko sentsibilizatzera bideratutako dinamizazio ekintzak antolatzeko. Jarduerak ingurumenarekiko jarrera arduratsuak eta jasangarriak bultzatzera bideratuko dira, informazioaren bidez eta naturarekiko elkarreraginaren bidez. Besteak beste, hazien “Perching”-erako ekintzak jarriko dira abian autobus elektrikoetan eta hibridoetan. Gainera, Dbusek Kristina Enea Fundazioko udako jardueren agenda babestu du.

 

  • ONCEko asteburuko kupoiaren edizio berezia (2016ko abuztuaren 28an), Dbusen 130. urteurrenari dedikatua. Abuztuaren 20etik aurrera salmentan jarriko da. 
  • Autobus Berdea izeneko Haurrentzako Tailerra: sorkuntza tailer bat egingo da Aiete Kultur Etxean Donostia Kulturarekin elkarlanean, eta bertan 12 urtera bitarteko neska-mutikoek parte hartu ahal izango dute. Materialak birziklatuz autobus maketak sortuko dituzte. Tailerraren ondoren maketarik nabarmenenak aukeratuko dira, eta kultur etxean jarriko dira ikusgai. Tailerrak urriaren 22an eta 29an eta azaroaren 19an eta 26an egingo dira. Beharrezkoa da aurretik izena ematea: [email protected] / 943 000 200. 
  •  #NikEreDbus Kanpaina, garraio publikoa batetik bestera ibiltzeko modu iraunkor gisa erabiltzearen garrantzia azpimarratzeko. Iragarki formatuko bideoak izango dira. Donostiako pertsona ezagunek parte hartuko dute, esaterako La Oreja de Van Gogh taldeko kideek, bai eta Dbus erabili ohi dituzten profil askotako pertsonek ere. 
  • Bi astean behin Instagrameko lehiaketa, #NireDbusHiria, non erabiltzaileek Dbuseko zerbitzuek hiriaz gozatzeko ematen dituzten aukerak partekatu ahal izango dituzten. Beren argazkia argitaratu beharko dute Instagramen #NireDbusHiria etiketa erabiliz, eta Dbuseko Instagram profilean, eta berrargitaratu egingo dira Dbuseko Instagram profilean. Lehiaketan hainbat kolaboratzaileren partaidetzarekin egin da, eta horietako bat Fnac da. 
  • Donostia Kulturarekin elkarlana, kulturaren bitartez mugikortasun iraunkorra bultzatzeko, hirian antolatutako kultur ekitaldietara joateko autobusa erabiltzera bultzatuko baitira erabiltzaileak. Ekintza horrek lagundu egingo die erabiltzaileei hiriko kultur guneekin lotuta dauden lineak hobeto ezagutzen (kultur zentroak, antzokiak, kontzertu aretoak, etab.).

 

Halere, Hiri Berdea ekintzak 130. urteurreneko ospakizunek baino ibilbide luzeagoa izango du, denboran iraungo duten komunikazio lerroetako bat izango baita, hainbat erakunderekin elkarlanean arituta (Cristina Enea Fundazioa, Aranzadi Elkartea, Donostia Kultura, etab.). 

Era berean, 130. Urteurrenaren baitan jai bat antolatuko da Kotxetegietan Dbuseko langileentzat eta beraien senideentzat. Jai horretan tailerrak eta jolasak egingo dira txikienentzat, eta Konpainiako zati diren pertsona guztiek mugarri garrantzitsu hori elkarrekin partekatzeko aukera izango dute. 

 

“Dbus eta Gabonak”, 9º haurrentzako marrazki lehiaketaren sari banaketa

Sari banaketa 2015Bederatzigarren urtez jarraian, Dbus eta San Martingo Azokak, FNAC-en partehartzearekin, “Dbus eta Gabonak” Haurrentzako Marrazki Lehiaketa antolatu dute. Edizio honetako partehartzea paregabea izan da, 3 eta 12 urte arteko 2.451 haur baino gehiagoren marrazkiak jaso baitira. 

Aurten ere lehiaketak partehartze berezia izan du, Atzegiko marrazki taldeko 21 ikaslerena hain zuzen ere. Iaz bezala, elkarbanatu dituzte gure lehiaketan euren marrazkiak. 

Gaur, 2015eko abenduaren 19an, San Martin Merkatuko FNACen sari banaketa burutu da. 

A mailako irabazleak (8 urte bitarteko haurrak) ondorengoak izan dira: 

  • 1.go Saria: Nora del Campo Blanco, 7 urtekoa, Summa Aldapeta. Dbus-eko autobusak 2016an 6 hilabetetan erabiltzeko txartel pertsonal transferiezin mugagabea + NINTENDO DS KONTSOLA. (marrazkia ikusi)
  • 2. Saria: Amaia Elorza Zengotitabengoa, 8 urtekoa, Santo Tomas Lizeoa. Dbus-eko autobusak 2016an 3 hilabetetan erabiltzeko txartel pertsonal transferiezin mugagabea + ARGAZKI KAMERA. (marrazkia ikusi)
  • 3. Saria: María Eduarda Araujo Benarque, 5 urtekoa, Presentación de María  Ikastetxea. Dbus-eko autobusak 2016an 3 hilabetetan erabiltzeko txartel pertsonal transferiezin mugagabea + Liburu sorta. (marrazkia ikusi

 

B mailako irabazleak (9 urtetik 12 urte bitarte) ondorengoak izan dira: 

  • 1º Saria: Idoia Loyola Arrieta, 12 urtekoa, San Ignacio Ikastetxea. Dbus-eko autobusak 2016an 6 hilabetetan erabiltzeko txartel pertsonal transferiezin mugagabea + NINTENDO DS KONTSOLA. (marrazkia ikusi)
  • 2. Saria: Alison Vargas Fernández, 11 urtekoa, San Ignacio Ikastetxea. Dbus-eko autobusak 2016an 3 hilabetetan erabiltzeko txartel pertsonal transferiezin mugagabea + ARGAZKI KAMERA. (marrazkia ikusi)
  • 3º Saria: Sabina Martínez Castiella, 11 urtekoa, Manuel de Larramendi Ikastetxea. Dbus-eko autobusak 2016an 3 hilabetetan erabiltzeko txartel pertsonal transferiezin mugagabea + Liburu sorta. (marrazkia ikusi

9. Marrazki Lehiaketa honetako gainontzeko finalistek ere sariak jaso dituzte, parte-hartu izana bermatzen duen diploma, Dbusen txartel-zorroa eta Konpainiako autobusetako baten maketa hain zuzen. Gainontzeko finalistak ondorengoak izan dira: 

–          A Maila:

–          B Maila:

  • Paula Beorlegui Osés, 12 urte, San Ignacio Ikastetxea. (marrazkia ikusi)
  • Amaia Bardají Valencia, 11 urte, Manuel de Larramendi Ikastetxea. (marrazkia ikusi)
  •  Valentina Almonte Revuelta, 11 urte, The English School. (marrazkia ikusi)
  •  Maddi Barona Aiala, 9 urte, Lanzaduri Ikastetxea. (marrazkia ikusi)
  •  Carlota Aramburu Gurruchaga, 9 urte. (marrazkia ikusi)
  •  Eder Zabalza Quiles, 11 urte, Manuel de Larramendi Ikastetxea. (marrazkia ikusi)
  •  Naiara Golzarri Reguera, 12 urte, Colegio San Ignacio Ikastetxea. (marrazkia ikusi

 

Parte hartu duten Atzegiko ikasleak ondorengoak dira: 

Marrazki finalistak abenduan zehar DVBUSen agertuko dira eta aldi berean DBUS eta San Martin Merkatuko web orrian argitaratuko dira. 

Dbusetik haurrek marrazkiak egiterakoan jarritako ilusioa eta sormena eskertu nahi dugu, bai eta guraso eta eskolen partehartzea ere. Atzegiko marrazki taldeko 21 ikasleen eta irakasleen parte-hartzea ere eskertu nahi dugu. Iaz bezala, elkarbanatu dituzte gure lehiaketan euren marrazkiak.

 

MARRAZKIEN ERAKUSKETA

 

Donostia Kulturaren kolaborazioa dela eta, aurre-aukeratutako 200 marrazkiak ikusgai egongo dira abenduaren 23tik urtarrilaren 15era arte, Ernest Lluch Kultur Etxean (Anoeta pasealekua, 7).

 

 
 

ERAKUSKETAREN ORDUTEGIAK

 

LEKUA: ERNEST LLUCH KULTUR ETXEA

DATAK: Abenduaren 23tik urtarrilaren 15era arte

ORDUTEGIA:

Astelehenetik ostiralera: 16:00etatik 20:30era
Larunbata: 17:00etatik 21:00etara

Igandea: itxita

(Itxita: abenduak 24, 25 eta 31; urtarrilak 1 eta 5)

 

 

 

 

 

 

 

 

 

 

Irakurri