Category : Jarduerak

Dbus-ek bat egiten du Dravet Sindromearen Inguruko Kontzientziazioa Bultzatzeko Nazioarteko Egunarekin

Ekainaren 23an, igandean, Dravet Sindromearen Inguruko Kontzientziazioa Bultzatzeko Nazioarteko Eguna ospatzen da.

Dravet Sindromea edo Haurtzaroko Epilepsia Miokloniko Zorrotza 4 eta 12 hilabeteko haurrengan agertzen da lehen aldiz, eta konbultsio kloniko edo toniko-kloniko orokor edo aldebakarrekin lotua dago. Orokorrean iraupen luzekoak dira konbultsioak, sukarrarekin edo gabe. Azken ikerketen arabera, gaixotasun honek 20.000 jaiotzetik 1i eragiten dio.

Dbusek bat egiten du Dravet Sindromea ezagutarazteko eta gaixotasun honen aurka lanean dihardutenei babesa emateko tokiko plataformak egiten dituen ekintzei. Horregatik, igande honetan Donostiako hiri autobus guztiek Dravet Sindromearen kartela eramango dute egun guztian zehar.

Irakurri

Ekainaren 23tik aurrera Dbus-ek zerbitzu gehiago emango ditu udan

Ekainaren 23an, igandean, San Juan bezperan, Dbuseko udako zerbitzuak hasiko dira, eta abuztuaren 31ra arte, larunbata, eskainiko dira. Udan, halaber, Dbusek zerbitzu bereziak eskainiko ditu denboraldiko ekitaldirik garrantzitsuenetarako.

Era berean, udako hilabete horietarako, Dbusek “Elkartzen duten lineak” izeneko kanpaina abian jarriko du, garraio publikoa sustatzeko, egunetik egunera ehuntzen diren eta Dbuseko autobus lineekin elkartzen gaituzten linea ikusezinak agerian jarriz.  

  1. “Elkartzen duten lineak” kanpaina 

Dbuseko lineak, askotan, nabaritzen ez diren lineak dira, baina egunez eta gauez, udan eta neguan, gure eguneroko bizitzarekin, gure zaletasunekin, gure inguruneko pertsonekin eta gure egunerokoarekin elkartzen gaituzte.

Erabiltzaileek Dbuseko autobus lineen sarearekin duten loturan  eta egunero sortzen den harreman horretan fokua jarriz, Dbusek “Elkartzen duten lineak” izeneko kanpaina abiarazi du. Dbus sarea 41 lineak eta 134 autobusek osatuta dago, eta sare horrek lortzen du urtero 180.000 pertsona inguruk elkarrekin lotuago sentitzea eta Donostiak eskaini ahal dienetik hurbilago ere bai.

Grafiko fresko eta koloretsu batekin, kanpaina hainbat historiaren ingurukoa da, eta euskarri askotan dago presente: alde batetik, geltokietako markesinetan kartel batzuk ikusi daitezke, non benetako erabiltzaileen profilak eta erabiltzaile horiek Donostiatik mugitzeko erabili ohi dituzten autobus lineak agertzen diren. Autobusen barruan ere binilo batzuk jarri dira, erabiltzaileak beren helmugekin elkartzen dituzten hainbat historiarekin. Era berean, bideo batzuk prestatu dira autobus barruko pantailetan eta sare sozialetan emateko, non kanpainari buruzko material guztia erakutsiko den. Horrez gain, lehiaketa eta zozketa txikiak antolatuko dira.  Dbusen Youtube kanalean (dbusdonostia) ikusi daiteke kanpainaren bideo nagusia, hemen eskuragarri dago. 

 

  1. Udan, Dbuseko zerbitzu gehiago

2019ko udan Dbusek zerbitzu gehiago eskainiko ditu egunez eta gauez. 

> Informazio osoa (pdf)

Dbusek bat egiten du Hesteetako Hanturazko Gaixotasunen Munduko Egunarekin

Igandean, maiatzaren 19an, Hesteetako Hanturazko Gaixotasunen Munduko Eguna da eta Dbusek bat egiten du egun horrekin, bai eta eguna ospatzeko Crohn eta Kolitis Ultzeraduna duten gaixotasunen Gipuzkoako Elkarteak antolatu dituen jarduerekin ere.

Horregatik, bihar, ostirala, maiatzaren 17a, Donostiako hiriko autobus guztiek informazio kartel bat eramango dute egun osoan, gaixotasun horiek dituzten pertsonek egunero bizi dituzten errealitateak ahalik eta gehien zabaltzeko eta erakusteko, eta kontzientzia soziala areagotzeko egingo diren jarduerak bultzatzeko. 

Irakurri

Algaraklown elkarteak hainbat jarduera egingo ditu Dbusen barreak duen indar terapeutikoa bistaratzeko

Datorren maiatzaren 13an Haur Ospitaleratuen Eguna izango da, eta hori dela-eta Algaraklown pailazo elkarteko kideen sudur gorriek Dbuseko autobusak beteko dituzte jendeari irribarreak ateratzeko eta Donostia Ospitalean, batez ere, baina adineko pertsonen egoitzetan ere ematen duten laguntza terapeutikoa bistaratzeko.

Algaraklown elkartea hamabi pailazok osatuta dago, eta astero Donostia Ospitaleko Ama-Haurren Sailean ospitaleratuta dauden haurrak bisitatzen dituzte, txikienen ospitaleko egonaldia poztasunez betetzeko eta barrearen indarra emateko, botikarik preziatuenetakoa baita, lasaigarri emozionalaz gain. Era berean, ebakuntza gelara joaten ere laguntzen diete haurrei, une horietan bizi duten tentsio emozionala gutxiago izan dadin.

Datorren astelehenean, Algaraklowneko kideek saio txiki batzuk egingo dituzte 28-Amara-Ospitaleak lineako autobusetan, Ospitaleetara doazen lineetako bat baita. Sudur gorriak banatuko dituzte une horretan Dbusen bidaiatzen ari diren pertsonak harritzeko eta barreak eta irribarreak emozioen eta ongizatearen kudeaketan duten garrantziaz konturarazteko eta bidaia atseginago egiteko, bai eta elkarteak egiten duten lan terapeutikoa ezagutarazteko ere.

Irakurri

Dbus-ek bat egiten du Haurren Tratu Txarren Aurkako Nazioarteko Egunarekin

Apirilaren 25ean Haurren Tratu Txarren Aurkako Nazioarteko Eguna izango da eta Dbusek adierazi nahi du egunarekin bat egiten duela, AVAIM elkarteak (Tratu Txarrak Jasotako Haurren Laguntzarako Euskal Elkartea) antolatu dituen jardueretan lagunduz.

Horregatik, bihar, osteguna, Donostiako hiri autobus guztiek egunaren kartela eramango dute, egoera hori bizi duten pertsonei babesa eta elkartasuna erakusteko eta kontzientzia sozial handiagoa lortzeko egingo diren jardueretan laguntzeko.

Irakurri

Dbus-ek bat egiten du Ijito Herriaren Nazioarteko Egunarekin

Dbusek bat egiten du apirilaren 8an ospatuko den Ijito Herriaren Nazioarteko Egunarekin.

Horregatik, astelehenean Donostiako hiri autobus guztiek ijitoen bandera eramango dute egun osoan zehar, Dbus herri horren aitorpena bultzatu eta ijitoen komunitatea errespetatuta beraiekin batera bizitzen lagunduko duten jardueren alde dagoela erakusteko.

Irakurri

Dbus-ek bat egiten du Emakumeen Nazioarteko Egunarekin

Bihar, martxoak 8, Emakumeen Nazioarteko Eguna ospatuko da eta Dbusek, egunarekin bat egiten duela adierazteko, egunaren kartela jarriko du Donostiako autobusetan.

Ildo horretan, Dbusek Emakunderen aitortza jaso du Emakumeen eta Gizonen arteko Berdintasunaren aldeko Erakunde Laguntzailearen bereizgarria jasoz, emakumeen eta gizonen arteko berdintasunean aurrera egiteko hartu duen konpromisoa eta egin duen lanagatik eta eremu soziolaboralean ekimen berriak bultzatzeagatik.

 

Irakurri

Dbus-ek bat egiten du Linfedemaren Nazioarteko Egunarekin

Bihar, asteazkena, martxoak 6, Linfedemaren Nazioarteko Eguna izango da. AGADELPRISEk (Lehen eta bigarren mailako Linfedema eta Lipedema jasaten dutenen Gipuzkoako Elkartea) hainbat jarduera antolatu du gaixotasuna gehiago ezagutu dadin eta egunero gaixotasun horren aurka borrokatzen duten pertsonei  babesa erakusteko, eta Dbusek jarduera horiekin bat egin nahi du.

Horregatik, bihar Donostiako hiri autobus guztiek kanpainaren kartela eramango dute egun osoan.

Irakurri

Dbusek bat egingo du Gaixotasun Arraroen Munduko Egunarekin

Dbusek bat egingo du bihar, otsailaren 28an, ospatzen den Gaixotasun Arraroen Munduko Egunarekin. Egunaren eslogan ondorengoa izango da: “Gaixotasun arraroak, erronka integrala, mundu mailako erronka”.

Horregatik, bihar Donostiako hiriko autobus guztiek informazio kartel bat eramango dute egun osoan, gaixotasun arraroak dituzten pertsonek egunero bizi dituzten errealitateak ahalik eta gehien zabaltzeko eta erakusteko, eta kontzientzia soziala areagotzeko egingo diren jarduerak bultzatzeko.

Irakurri

KaTy robota Dbus-eko autobus batean joan da Donostia Ospitalera haurrei bisita egitera

Gaur, otsailak 15, Haurren Minbiziaren Nazioarteko Eguna da eta, hori dela-eta, Dbuseko autobus elektriko batek gaur arratsaldean Donostia Ospitalera eraman du KaTy robota, Star Warseko beste pertsonaia batzuekin batera, ospitaleko Pediatria Unitatean gaixorik dauden haurrak bisitatzeko.

Gaurkoarekin Dbusek bigarren aldiz parte hartu du ekitaldi horretan. Ekitaldia Gipuzkoako Garraioaren Lurralde Agintaritzak antolatu du Osakidetzarekin eta ASPANOGIrekin elkar lanean (Gipuzkoako Haur Minbizidunen Gurasoen Elkartea). KaTy edo R2-KT Star Wars filmetako R2-D2 robotaren arrosa koloreko bertsioa da eta ThePinkForce komunitate donostiarrak sortutakoa da. Talde hori George Lucasen sagaren jarraitzailea da eta R2 eraikitzaileen klubeko kide. Gainera, munduan R2-KTren hiru erreplika bakarrik daude baimenduta eta KaTy da horietako bat. Ekitaldia “#ThePinkForce” haurren minbiziaren aurkako borrokaren aldeko kanpainarekin dago lotuta.

R2-KT robota eta haurren minbiziaren aurkako borrokarekin duen lotura

Ekitaldi horren jatorrian Albin Johnson dago, 501 Legioaren sortzaileetako bat. Legio hori nazioarteko elkarte bat da, kalitate zinematografikoko Star Warseko jantzien inguruan sortutakoa eta ekitaldi solidarioak laguntzen dituena. 2004an minbizia diagnostikatu zioten bere alaba Katieri eta Albin Johnsonek, elkarteko beste kide batzuekin batera, R2-KT robota sortu zuen bere alabari laguntzeko.

Une horretan, robota minbizia zuten haurren ikur bihurtu zen eta ordutik 501 Legioak eta R2-KT robotak, Star Wars komunitatearekin batera, gaixotasun horren aurkako borrokan laguntzen dute, mundu mailan haurren minbiziaren aurkako borrokan ikur bihurtuta.

Irakurri