Kontakturik gabeko banku txartelak

KONTAKTURIK GABEKO BANKU TXARTELAK

Erabiltzaileei bidaiak kontakturik gabeko banku txartelarekin ordaintzen uzten dien sistema bat jarri du abian Dbusek Donostiako autobus linea guztietan. Eguneko zerbitzuetan zein gauekoetan erabili daiteke sistema.

Dbusen balio duten banku txartelak

Banku txartelekin ordaintzeko sistemak edozein banku erakundetako VISA, Mastercard eta American Express txartelak onartzen ditu, betiere contacless teknologia badute. Teknologia hori duten jakiteko, txartelak sinbolo hau eduki behar du: simbolo

Bidaia ordaintzeko balio dute, baita ere, Samsung Pay eta Apple Pay aplikazioek, banku erakunde bakoitzak mugikorrarekin ordainketak egiteko dituen aplikazio bereziek (Wallet) eta telefonia operadoreen aplikazioek. Ikusi informazio osoa

Non baliozkotu kontakturik gabeko banku txartelak

Gidariaren postuaren ondoan dagoen bidai txartelen makinan baliozkotu ahal izango dira kontakturik gabeko banku txartelak. Makinak VISA, Mastercard eta American Express txartelen logoak ditu identifikaziorako.

Tarifa aplikagarriak

Kontakturik gabeko banku txartelekin eta aplikazio mugikorrekin ordaintzen diren bidaiek 1,80 €-ko tarifa dute eguneko noizbehinkako tarifaren kasuan, eta 2,10 €-koa gaueko zerbitzuetarako (gautxoriak). Bankuko txartel bakoitzarekin edo mugikorreko aplikazio bakoitzarekin erabiltzaileak nahi beste bidaia ordaindu ditzake, eta komisiorik gabe.

Linea aldaketa

Kontakturik gabeko banku txartelarekin ezin da doako linea aldaketarik egin.